كان هناك ام فقيره نائمة مع اطفالها تحتضنهم لتوفر لهم الدفء والحنان
وهم هم نائمون سمعت المراة صوتا اتياً من المطبخ ..وتاكدت انهم حرامية يريدون ان يسرقوا هذه المراة الفقيرة فصاحت بصوت سمعه الحرامية .. يمه ناموا ناموا هذولي خوالكم اجوي يتعشون بالمطبخ …
فانتبه احد الحرامية عن معنى هذه الجملة البالغة .. والتي اثرت بهم فقال لزميله لك فرهود هاي سوتنه خوال الولد يعني اخوانهه .. معقوله واحد يبوگ اخته امشي اترك الغراض ما مقسوم النه رزق بهالبيت ..
فخرجوا .. عندها قال احد الاطفال .. ماما ماما گولي لخوالي شلون الطيور تاكل ٧٥٢ طن من الحنطة في السايلو في النجف؟
مدري عليمن جبناها …. ها اتذكرت
تم فقدان أكثر من ٧٥٢ طن حنطة من السايلو الأفقي في النجف وبعد التحري من هيئة النزاهة وكذلك دائرة الرقابة المالية والتجارية لوزارة التجارة تم فتح تحقيق بالأمر هذا اليوم … وتبلغ قيمة الحنطة المفقودة ٤٢٠ مليون دينار عراقي يُذكر أن سعر الطن رسمياً ٥٦٠ الف دينار عراقي وبعد سؤال القائمين عليها والتحقيق ، كان الجواب كالآتي “أكلتهم الطيور” …… شايفين هشكل هتليه ؟؟
من الصديق الجميل ثائر فريد هههههههههه
