قضايا المرأة

“في سنة 98 الجامعة العربية (لان مفيش مكان تاني وافق ينشر)…


“في سنة 98 الجامعة العربية (لان مفيش مكان تاني وافق ينشر) نشرت كتاب مهم اسمه “أراضي فلسطين بين مزاعم الصهيونية وحقائق التاريخ” للباحثة هند أمين البديري، الكتاب كان عبارة عن دراسة ماجستير ودكتوراه قامت بها الباحثة قضت ربع قرن سنة من عمرها عشان تتحقق من مدي صحة الادعاء عن ان الفلسطينيين باعوا أراضيهم، في كتب كتير اهتموا بالموضوع نفسه، لكن الي يخلي البحث دا مختلف ان الباحثة كنت مهتمة اكتر تروح لمصادر المعلومات سواء سجلات عثمانية او سجلات الاحتلال الانجليزي.

والكتاب بيقول بالأرقام مساحات الأراضي، المفروض أن مساحات الأراضي اللي تم احتلالها كانت موزعة كالتالي:
– ١٦ ألف دونم كانت تحت الاحتلال البريطاني ولما خرج من فلسطين قبل إعلان إسرائيل بأيام ترك الأراضي دي كلها للعصابات اليهودية.
– و١٦ الف دونم تانيين كانت أراضي دولة من أيام العثمانيين.
– وفي أراضي ملك لعرب مصريين ولبنانيين ولما قامت الحرب خافوا يرجعوا لها أو طنشوا المطالبة بها.
– اليهود كبشر في #فلسطين امتلكوا ٦٪ من الأراضي ودا مش عيب في مصر امتلكوا ١٠٪.

في كمان حوالي 132 قرار صادر من الامم المتحدة بالحق في العودة والتعويض الاتنين سوا، فين عقود البيع اللي بتتكلموا عنها؟ الفلسطينيين اللي لسه بيتوارثوا مفاتيح بيوتهم داخل حدود 48 كمان بيتوارثوا عقود امتلاكهم ليه، فين العقود اللي مع الصهاينة اللي اشتروا؟ لو ببيع الأرض ففترة الاربعينات اليهود في مصر عموما سواء مصريين او أجانب امتلكوا 10% من الاراضي وفي سوريا امتلكوا 12% هل دا مبرر للقتل والاحتلال؟

في مصر بس منتشر إشاعة باعوا الأرض، ودا كان جزء من الدعاية الي عملتها الوكالة اليهودية في مصر، عشان يوحي أنها ارض فاضية ويشجع الناس ع الهجرة، لمزيد من التفاصيل الرجوع كتاب الحركة الوطنية الفلسطينية لعبدالقادر ياسين.”

( نقلا عن صفحة: Randa Abo Eldahab )

((الكتاب متوفر PDF في التعليقات))






يمكنك دعم الموقع من هنا
مؤسسة ندى لحماية الفتيات

آيات عبد الدايم (AyAt Hassan)

مَا وَدَّعَكَ رَبُّكَ وَمَا قَلَى

اترك رد

زر الذهاب إلى الأعلى