فى المحكمة القاضى بيطلب من الدكتور نصر أبو زيد ينطق…

فى المحكمة القاضى بيطلب من الدكتور نصر أبو زيد ينطق الشهادتين ويثبت إنه مسلم، نصر يرفض مع إنه مسلم صوفى عميق الإيمان على سنة المعتزلة، ويكون الحكم بالتفريق بين نصر ومراته لأنه كافر والكافر غير مسموح له باعتلاء وامتطاء مسلمة، وتكون النصيحة – الأمر- لنصر بالهرب من مصر ومساعدته عى اللجوء ل هولندا.
أول مايوصل نصر يعمل مؤتمر صحفى ويبدأ بالقول ” أشهد أن لاإله إلا الله وأن محمدا عبده ورسوله”، طب رفضت ليه تنقذ نفسك ف المحكمة؟ للدرجة دى مش طايق مراتك الدكتورة إبتهال يونس وعايز تتخلص منها؟- والحقيقة هى ست بشعة وتافهة ثقافيا مع إنها أستاذة جامعيية- ويكون رد العظيم نصر: مش من حق أى محكمة ف الكون تتدخل ف العلاقة بينى وبين ربى، ولو وافقت على كدة الإسلاميين هايذلوا نص المصريين ويجرجروهم ف المحاكم عشان يثبتوا إيمانهم.!!
شفت العظمة؟ شفت الجمال ؟ شفت الجلال ؟ شفت الرجال ؟
وأنا هنا مسبقا أشهد أن لا إله إلا الله وأن محمدا رسول الله، وأشهد أننى أرفض تطبيق الشريعة الإسلامية والفكر البدوى على بلدى، فهى شريعة بدوية تليق بالقبائل الرحل ولا تليق بدولة، خاصة لو كانت مصرنا المحروسة.!!!
الإسلام أيها السادة لايؤمن بمفهوم الوطن والحدود ويكفر العلم وتحية العلم كفر، والنشيد الوطنى خروج عن الملة، وخد منى المعلومة دى اللى مش هتلاقيها عند غيرى:
الحاكم فى الإسلام مطلوب منه شرعا يحج سنة ويغزو سنة عشان يوسع حدود دولة الإسلام، طب لو ماعندوش قوة يحارب بيها الأعداء غير المسلمين؟ الشرع بيديله مهلة عشر سنين يجهز فيها جيشه، وبعدها ملزم شرعا بالجهاد – الفريضة السادسة الغائبة- وبعدها يعزل لأنه حاكم فاشل غير جدير بقيادة المسلمين .!!!
ودة مرتبط بفكرة حدود الوطن اللى هو حفنة تراب عفن والموت فى سبيله كفر ومثواه النار وبئس القرار، لأنك لو طبقت الشرع عاما بعد عام تصبح الأرض إسلامية، وكلها بلاحدود تفصلها لأنها أرض الله التى يورثها من عباده المتقين، ولامكان للكفرة أو للأغيار على كوكب الأرض كله.!!!
يعنى ربنا خلق الغير مسلم عشان نرغمه على الأسلام، أو نطرده من كوكبنا المسلم، فلا يجتمع بجزيرة العرب- المنطقة المسلمة الوحيدة فى الكوكب وقتها- دينان، وبالقياس لايجتمع فى أى منطقة إسلامية دينان، فلنطردهم حتى حافة الكون، وإما يتخلصوا من كفرهم، وأما نخلصهم من حياتهم ونرسلهم للجحيم؟
عرفنا ليه الوطنية كفر والوطن حفنة تراب عفن والأرض مسجد طهورا للمسلمين؟
يالله ياض إنت وهو وهى لموا شنطكم وبرة كوكبنا المؤمن…………….

يمكنك دعم الموقع من هنا
مؤسسة ندى لحماية الفتيات