فى التلاتينات احمد لطغى السيد نزل انتخابات مجلس الشعب عن…

فى التلاتينات احمد لطغى السيد نزل انتخابات مجلس الشعب عن قريته، واستاذ الجيل كان بينادى بالديمقراطية، ونزل ادامه مرشح اخوانى، وقال للفلاحين بتوع الدايرة ان ديمقراطية يعنى مراتك وبنتك ينكشفوا ع الناس ويقعدوا مع الرجالة، والفلاحين راحوا يسالوا الراجل هو انت صحيح ديمقراطى، قال لهم اه دى قضيتى الفكرية الاولى، قالوله طب هات مراتك وبناتك يقعدوا معانا ……… وسقط فى الانتخابات.
امبارح سالت يعنى ايه علمانية، كتير ردوا ردود مختلفة تعبر عن رؤيتهم للفكرة، ونعترف انها ملهاش مفهوم واحد محدد الا فصل الدين عن الدولة والحكم بالمكتشفات العلمية الحديثة التى تجاوزت نطاق الفكر الدينى الضيق، يعنى العلمانية فى أوضح تفسيراتها هى الوقوف تحت راية الثقافة وإبعاد المقدس الدينى عن المشترك الاجتماعى.
وعشان كدة العلمانية مرتبطة بشدة بمفهوم آخر هو التنوير، يعنى ايه تنويرى، يعنى شخص بيقدر يقدم معلومات تساهم فى إنارة العقول المظلمة حتى لا يتحكم فيها كهنة الاديان باسم الله.
يعنى العلمانية هى طريقة للتفكير العلمى الحداثى بيقوم بيها مثقفين عندهم فكر يساهم فى تنوير المغيبين، وهى مش ضد الدين، لكن للأسف كهنة الدين ضدها لانها بتحجم نفوذهم داخل المعبد وللشان الروحاني فقط بعيدا الساحة المجتمعية، ودة بيبرر لنا ليه كهنة الأديان ضد العلمانية والتنوير.
هنا صفحة علمانية تحتقر الإلحاد وتحترم الإيمان ايا كان دينك، على شرط ان يبقى الدين مقدسا فى المعبد.

يمكنك دعم الموقع من هنا
مؤسسة ندى لحماية الفتيات