عن لسان ناجية:
((الاغتصاب الزوجي كانت صدمة كبيرة جدا عشتها ومكنتش لاقيه لها أي حل )) ..
ستات كتير جداً عانت ولسه بتعاني يومياً من الاغتصاب الزوجي وإجبارهم على ممارسة الجنـــ-س بالعنف ومن غير موافقتهم،
و لسه مايقدروش يقدموا بلاغ أو يشتكوا أو يتهموا الزوج بجريمة الاغتصاب،
لأن مافيش قانون يجرم اغتصاب الزوج لزوجته في مصر وده نشر الجريمة دي و زود عددها بشكل كبير جدًا؛ لأن المغتصِب في الحالة دي بيكون محمي داخل إطار العلاقة الزوجية واللي فيها القانون بيتعامل معاها على أنها حق مكتسب للزوج ولا يقع عليه جرم لو تم إرغام الزوجة عليها، الحالة الوحيدة اللي ممكن يتم معاقبة الزوج في حالة حدوث إصابات صدر بها تقرير طبي ناتجة عن العلاقة الزوجية وهنا بتكون جنحة ضرب وعنف، وتصل العقوبة من 24 ساعة إلى 3 سنين.
وبحسب موقع قانون مصر في نسبة 60% من الستات اللي في محاكم الأسرة بتتعرض للاغتصاب الزوجي، ومنهم 35 % بيتعرضوا للعنف من الزوج.
الاغتصاب الزوجي مصنف كجريمة في قوانين كتير من الدول، واللي بيتعاملوا مع كل حالات الاغتصاب بقانون واحد دون استثناء تحت تسمية واضحة “الاغتصاب الزوجي” و بسبب القوانين دي قدروا يحموا ستات كتير من الاغتصاب.
محتاجين قانون يجرم الاغتصاب الزوجي أو يتم إدراجه تحت قانون الاغتصاب المنفذ في مصر حاليًا، عشان نقدر نحمي الستات في مصر من الجريمة البشعة دي.
افتكروا دايمًا ان الاغتصاب جريمة تحت أي مسمى حتى لو كان الجواز.
كتابة : سماء البري
#نجاة
#لسة_في_حياتك_نجاة
#حكايات_نجاة
#الاغتصاب_الزوجي
#سوبر_وومن
#١٦يوم
#16DaysofActivism2022
#حملة_ال16يوم_لمناهضة_العنف_ضد_المرأة
#سوبروومن
#16days
يمكنك دعم الموقع من هنا
مؤسسة ندى لحماية الفتيات
