التنمية البشرية

سمية جمال | بدأنا سنة جديدة.. لاحظت الترند في السوشال ميديا اللي فيها أغلب صناع المحتوى

بدأنا سنة جديدة..
لاحظت الترند في السوشال ميديا اللي فيها أغلب صناع المحتوى يعرضوا انجازاتهم الجميلة . أبارك لهم فيها واحد واحد.. مبروك لكم، فخورة انه في أناس منجزين والسنة كانت طيبة عليهم..
بصراحة مافكرت في الموضوع، نهاية السنة أو بداية سنة جديدة كانت مجرد أرقام لي .. التغيير يبدأ من الان ماتنتظر للسنة الجديدة عشان تبدأ كإنسان جديد.. تكتب قائمة اشياء ناوي تعملها وتبدأ فيها بعدين تخلص السنة وانت ما انجزت.. ما أنكر اني انجرفت وراء هذا التيار في ما مضى .. خاصة أيام الجامعة، كنت اكتب قائمة عريضة من الأهداف اللي تخلص السنة وانا اصلا نسيت اني كتبت هذيك القائمة في بداية السنة..
عجيب أمر هذا الإنسان..
سنة ٢٠١٩ كان فيها انجازات، كان فيها الحلو والمر مثل أي سنة.. لكن هل اسوي فيديو أذكر فيه إنجازاتي؟ هل أعمل منشور أحط فيه أجمل الصور في حسابي واللي كان عليها أكبر تفاعل؟ مازلت أسأل نفسي هذا السؤال وبصراحة ما توصلت لإجابة..
وبما أني من أول ما دخلت عالم السوشال ميديا أصبح لي أصدقاء لم ترهم عيني، فانا أسألكم الان..
لكن قبلما تجاوبوني خذو من وقتكم شوية وقت تفكروا في الإجابة..
هل مفيد تشوف إنجازات شخص على السوشال ميديا؟ هل يختلف الأمر لو كنت تحبه؟ كيف بيأثر فيك؟
ــــــــ
كمان شي، فيديو المالديف جااااهز بس باقي له اترجمه للانجليزي..
لذلك بكون سعيدة لو اشتركتوا في قناتي( الرابط في البايو) ولما انزل الفيديو تنشروه في كل بقاع الأرض، طبعا لو شفتوه يستحق.. واحتاج ارائكم الصادقة ومشاعركم النقية تجاه أي عمل أسويه ..
بعدسة @yagoob.b.b


سمية جمال | اول رحالة يمنية

اترك رد

زر الذهاب إلى الأعلى