كتّاب

دعوة لإلغاء التعليم فى مصر…………………….


دعوة لإلغاء التعليم فى مصر………………….

عندنا الجاهل بمعنى اللى مارحش مدرسة نهائى ولا يجيد القراءة والكتابة، زى الشعب المصرى أيام محمد على، وعندنا المثقف زى نجيب محفوظ ويوسف ادريس وزينا احنا الناس اللى بتحب تقرا وتوسع مداركها بدون ماتبقى شهيرة، وأخيرا عندنا المتعلم اللى هو معظم الشعب النهاردة سواء مؤهل جمعى او دكتوراة او دبلوم …………..
الجاهل شخص مريح وغاليا فلاح أو بيمارس الأعمال الخدمية، والمثقف بيحاول يوصل صوته وفكرته لأكبر عدد ممكن من الناس فى سبيل التنوير، طب ولمتعلم ؟
المتعلم دة هو مصيبة مصر وسبب خرابها، دة عيل بيدخل المدرسة والجامعة وياخد دروس طول السنة عشان فى النهاية ربنا يكرمه ويغش فى الإمتحان، و ” يطرش” الكلمتين اللى حفظهم فى ورقة الإجابة، وممكن يطلع الأول ويجيب ” الفول مارك” أو يجيب ” إمتياز” ويبقى معيد وأستاذ جامعى ورئيس جامعة أو شيخ أزهر وهو أصلا مش فاهم حاجة، ولا حتى فاكر اللى درسه طول السنين دى، ويبتدى يخرب المنظومة بجهله المركب، هو جاهل وجاهل إنه جاهل، دة متخيل نفسه عبقرى لأنه بيجيب الدرجات النهائية فى حين إنه حافظ مش فاهم أولا، ولو حتى فاهم اللى فهمه دة عته مالوش معنى ولا لازمة فى الواقع.
دعوة علنية لإلغاء التعليم فى مصر، وخصوصا التعليم الأزهرى، والمدارس الحكومية والخاصة أيضا، والإبقاء فقط على مدارس الراهبات التى أثبتت كفاءتها على مدى أكثر من قرن ونصف فى تخريج طلاب يحملون قيم ومبادئ وتصرفات وفكر يختلف عن كل الشعب المصرى.
وخريجى كل الجامعات والمدارس وأولهم شيخ الأزهر والمفتى وكل هؤلاء المتاجرين باسم الله، مع أساتذة الجامعة ورؤساء كل الجامعات المصرية، وإرسالهم لتعمير الصحراء أو البحث عن عمل شريف بدلا من تدمير الدولة بهؤلاء الجهلة والضالين والمضلين.

نصف تعليم بيخلق لنا نموذج حسن يوسف ومحمود الجندى……………… يتبع.




يمكنك دعم الموقع من هنا
مؤسسة ندى لحماية الفتيات

اترك رد

شاهد أيضاً
إغلاق
زر الذهاب إلى الأعلى