اللي مزعوج/ة من مشهد الهجوم على #مصرف_لبنان وتكسير واجهات #المصارف، تذكر/ي كل مرة انذليت وانهنت ووقفت فيها بالصف ليتحسنوا عليك البنوكة ب١٠٠ أو ٢٠٠$، كل مرة ما قدرت تدفع فيها ديونك والقسوطة اللي عليك لأن بكل بساط البنك احتجز معاشك بالسلبطة، تذكروا/ن شقى عمركن اللي أمنتوا البنك عليه وهوي سرقه وتاجر فيه وباعه لمصلحة بوطة حرامية، دولة مفلسة وأصحاب المصارف التجار، تذكروا/ن الليرة يللي باعوها للدولار، تذكروا/ن سياسات السرقة اللي عم يلوحوا ويهددونا فيها من كابيتال كونترول لهير كات وغيرهن، تذكروا/ن موظفين المصارف اللي كانوا ببوز المدفع كل هالفترة وانهانوا وتم الإعتداء عليهن وتحملوا المسبات وبكتير أحيان الضرب وبالآخر نص البنوكة التجار صرفوا موظفين وخصموا من معاشاتهن… خللي أصحاب المصارف يدفعوا ثمن جشعهن وخلي #رياض_ـ///ــلامة الحرامي يعرف انو الشعب مش حمار ولا بلا كرامة… وبالآخر نفسي إفهم هالعنصر الأمن اللي عم يستفحل بالعنف ضد الثوار/الثائرات عن شو ومين عم يدافع بعد ما خسر معاشه أكثر من ٣٠% من قيمته وصار عايش ببلد الكرامة الإنسانية فيه صار محلها المزابل؟! #عسكر_على_مين #لبنان #مصرف_لبنان #لبنان_ينتفض #لبنان_يثور #اسبوع_الغضب
أرسل بريدا إلكترونيا 
