مفكرون

#حوار_كهنوتي….


#حوار_كهنوتي.

👳‍♂️انت عاطل عن العمل؟
🧔🏻 أيوا للاسف ما لقيت شغل أشتغله.
👳‍♂️ طيب ليه ما تشتغل مثلي، ترى شُغلي مُربح وبدون مجهود.
🧔🏻 ليش شنو تشتغل؟
👳‍♂️ أنا تاجر.
🧔🏻 جميل، ماشاء الله، الله يباركلك بس تاجر بأي مجال؟
👳‍♂️ أنا تاجر دين، أنزّل فيديوهات عاليوتيوب وأكسب آلاف الدولارات وأنزّل فيديوهات عالفيس وأيضا أكسب منها آلاف الدولارات وطبعا ما تنسى الربح من تويتر ولو أنه مو جايب همه بس بالأخير مصدر رزق.
وهذا كله بكفّة ودخلي من القنوات الفضائية بكفّة، حتى صرت أساوم القنوات مين يدفع أكثر.
لذلك اسمع مني واشتغل رجل دين، ترى راسمالها عمامة وگلابية وسبحة باليد وسواك بالجيب الصغير للگلابية وشوية دموع لما نذكر اسم #النبي، أو إذا حبيت تكون من الشيوخ (المودرن) ما تحتاج گلابية ولا عمامة، تحتاج فقط بدلة محترمة مع كرافة ودهاء كدهاء الثعلب لحتى تقود القطيع وتسيطر عليه، وطبعاً كل شي تقوله إلزقه بظهر النبي أو قول #أجمعت_الأمة واتفقت الأمة والناس رح تصدقك وما تناقشك.
🧔🏻 طيب وبلكي اضطريت أتراجع عن بعض الكلام والفتاوى يلي قلتها سابقاً؟
👳‍♂️ يارجل هو حدا من القطيع منتبه!! طالما أننا نحذرهم من تشغيل عقولهم فأوعدك مارح ينتبهوا، وإذا شي حدا شغّل عقله وانتبه، قول له (الضرورات تبيح المحظورات) أو (الغاية تبرر الوسيلة) يا رجل بدك مين يعلمك يعني!!
كله ماشي على هالمبدأ، تلاقي #رجل_الدين اليوم حكى شغلة وبكرى تلاقيه حكى عكسها.
🧔🏻 طيب وبلكي شي واحد سألني سؤال من خارج الصندوق وما عرفت أجاوب عليه؟ شكلي رح يكون محرج أمام الناس.
👳‍♂️ أولاً محدا رح يسألك من خارج الصندوق يلي نحن محددينه لهم، كل أسئلتهم: شيخي ما حكم من يلبس بنطال طويل، شيخي كيف أدخل الحمّام، شيخي كيف أغتسل، شيخي ما حكم من أكل بشماله ناسياً، شيخي ما حكم قراءة #القرآن للحائض.
يعني اطمّن محدا رح يسألك سؤال ينسفك فيه، ولا تنسى انهم يخافوا من تشغيل العقل بعد تحذيرنا لهم، ويعتقدون أن تشغيل العقل يؤدي إلى الإلحاد والتهلكة.
🧔🏻 طيب وبلكي حدا من هذولاك يلي ما يتسمّون كان داحش حاله بينهم وسألني من أسئلتهم يلي من خارج الصندوق؟
👳‍♂️ قصدك #القرآنيين؟!
🧔🏻 ايوا.
👳‍♂️حاول أنك تتخلّص من أسئلته باللف والدوران واذا ماقدرت حاول تكفيره أمام الحضور وتخوينه بأنه يريد هدم #الدين ونشر الأفكار #العلمانية و #الليبرالية و #الماسونية ونشر الرذيلة والسفور بمجتمعنا المحافظ على قيمه ومبادئه، واخترع من راسك أي اتهام، وطبعاً الناس رح تصدقك وتقف إلى جانبك ضده وممكن يقتلوه، ولكن بعد كل هذا إذا ما قدرت تتخلص من أسئلته ساعتها #الله يعينك ويحمل معك.
🧔🏻 يا سلام الشغلة سهلة!!
👳‍♂️ طبعاً سهلة، ما تحتاج أي جهد ومصدر زرق ما نحلم بيه، ولهذا السبب تلاقي #رجال_الدين على قفى مين يشيل.
🧔🏻 طيب كبداية شنو هي نصائحك لي؟
👳‍♂️ أول شي وأهم شي حاول تبعد الناس عن القرآن وتقربهم إلى #الأحاديث وقلّل من ذكر #الآيات واذا قدرت لا تقرأ ولا آية، خلّي كل استدلالك بالأحاديث وأقوال #الشيوخ وإذا أجيت تمنعهم من شي، قول #اتفقت_الأمة أو أجمعت الأمة على تحريمه أو انكاره، واذا بدك تخرط عليهم بشي قصة من راسك، أهم شي تقول لهم بالبداية (حدثني أحد الثقات) وبعدها أخرط على كيفك بس مو تكبرها، يعني شي يتصدق ومعقول، مو مثل خرطة صاحبنا يلي يقول أن ام النبي حملت بالنبي لمدة أربع سنين!!
🧔🏻 بس والله أنا خايف من شي سؤال مباغت إذا قلتلهم حدثني أحد الثقات أو #أجمع_العلماء، ويقولوا لي شنو اسم أو مين الشخص يلي حدثك أو مين هم #العلماء يلي أجمعوا وأين ومتى أجمعوا ومَنّ نصّبهم وأعطاهم الصلاحية للتحدث باسم الأمة؟ ساعتها شنو بدي أجاوبه؟
👳‍♂️ يا رجل قلتلك محدا رح يسألك مثل هذه الأسئلة، أصلاً هذه الأسئلة ما تخطر على بالهم، لذلك نحن مطّمنين، هذا المجتمع ماشي هيك من أكثر من ألف سنة، يعني اطمن، ويا سيدي إذا حدا سألك من هالنوع من الأسئلة قول له (لحكمة لا يعلمها إلّا الله) وانتهى الموضوع ورح تلاقي الكل صار يصلي عالنبي على هذه الحكمة والحنكة بطريقة ردّك.
🧔🏻 طيب وبالنسبة للمناظرات مع القرآنيين، بلكي انحصرت واضطريت أعمل مناظرة مع شي حدا منهم، شنو أعمل ساعتها؟
👳‍♂️ قلتلي مناظرة، والله شكلك رح تتعبني، مناظرة مين يا أبو مناظرة، أنت نسيت نفسك ولا شنو؟ أنت أقصى حدودك مسائل الحيض والضراط، لا تروح تصدق على حالك صرت عالم، قال مناظرة قال.
🧔🏻 طيب شلون أردّ على #المفكرين؟
👳‍♂️ هذول الناس ما تناظرهم ولا تتكلم عنهم ولا تناقشهم إلّا بعد ما يموتون.
🧔🏻 شلون يعني؟
👳‍♂️ يعني بعد ما يموت المُفكّر، ساعتها انهش بلحمه وافتري عليه الكذب ودلّس عليه شلون ما بدك، لأنه مات وما عاد يقدر يرجع ويدافع عن نفسه ويردّ عليك ويكذّبك، شوفلك شي مفكّر معروف ومشهور يموت واعمل فيديو عنه ورح تنشهر أكثر بسببه.
واستلم شي مفكر أو أي شخص يخالفك وعمل عنه فيديوهات ترد فيها على كلامه، يعني إذا يعطس اعمل عنه فيديو ترد فيه عليه، وكل ما زادت فيديوهاتك زادت المشاهدات وكل ما زادت المشاهدات زادت أرباحك، بس طبعاً فيديو لك لوحدك فقط تتكلم عنه، مو تناظره مشان ما تجيب العيد، وإذا ما لقيت مُفكّر، شوفلك أي أحد تعمل منه مصلحة، يعني لاعب كرة أو مطرب أو فنان، وكل فترة والثانية ارمي فتّيشة بالمجتمع.
🧔🏻 مافهمت!
👳‍♂️ أعرفك غبي ما رح تفهم، كل ما تشوف حالك أن سوقك قلّ وما عاد حدا يشاهد فيديوهاتك أو قلّ عدد متابعيك، افتيلك شي فتوى مثيرة للجدل أو كلام مثير للجدل مشان تصير ترند ويرجع يتنشّط سوقك من جديد وتصير حديث الساعة، وطبعاً الناس هي يلي تجعل من الحمقى مشاهير، وتتهافت القنوات الفضائية لحتى تقابلك على خلفية كلامك المثير للجدل وكل قناة تدفعلك هذيك الحسبة مشان تظهر على قناتهم.
🧔🏻 طيب وبلكي حدا من الناس يلي تعرفني شافني أخطب بالناس وهو يعرفني (حوّام) وكان بده يفضحني أمام الناس؟
👳‍♂️ والقطيع شنو شغلتهم؟!!
🧔🏻 شلون يعني؟
👳‍♂️ القطيع يلي يسمعك ويتابعك ويشاهدك هو يلي رح يدافع عنك أمام كل شخص يحاول التشكيك فيك أو النيل منك ودحض أفكارك.
أنت اسمك عندهم عالم ربّاني وعلامة وفهّامة ولحمك مسموم والكل بده رضاك مشان يفوزون بالجنة، أي نعم أنت حوّام ولا تسوى نِگلة، بس هذا بيننا نحن فقط.
يعني رح تلاقي متابعيك يردون على منتقديك بقولهم: مين أنت حتى تتكلم عن فضيلة الشيخ؟ ما هو علمك؟ أنت ما عندك ربع ما عند الشيخ من علم، أنت ما تصل إلى حذاء الشيخ، ومن هالكلام يلي محفظينهم اياه يلي حافظينه بس مو فاهمينه.
🧔🏻 طيب هذولاك يلي ما يتسمّون ما رح يتركوني بحالي ورح يضلوا ينكشوا فيني.
👳‍♂️ تمام والآن اسمع نصيحتي لحتى تتخلّص منهم.
جيّش الناس واشحنهم عليهم، وحذّر العوام منهم وافتري عليهم الأكاذيب وهوّل الموضوع، ودائماً وأبداً وبكل خطبة ودرس حذّر الناس من مصطلح القرآنيين والعلمانيين والليبراليين، وبيّن للناس أنهم يريدون هدم الدين وثوابت الأمة ونشر الالحاد والرذيلة والسفور والزنى بمجتمعنا المحافظ على قيمه، وحذّر الناس من مناقشة القرآنيين وكفّرهم بكل خطبة وبكل درس واطلب من الناس تعاديهم وطالعلك شي فتوى بأن مناقشة القرآنيين تعتبر ضلال يودي بصاحبه إلى النار، لحتى الناس تخاف من مناقشتهم وتبتعد عنهم لأن مو ناقصنا ناس تشغّل عقلها، لأن طالما العقول معطّلة، فسوقنا ماشي وتجارتنا ماشية، لكن بمجرد ما تشتغل العقول، رح تبور تجارتنا، واذا نجحت بهذا الموضوع فأنت بالسليم.

انتهى الحوار وأبشركم أن صاحبنا سمع نصيحة الشيخ واشتغل تاجر دين وصار عنده سيارات وڤلل ورصيد بالبنك وصار يحث الفقراء على الصبر على الفقر والجوع ويطالبهم بالابتعاد عن ملذات الدنيا لأنها زائلة ويوعدهم بأنهم رح يدخلون الجنة أول الناس بسبب فقرهم، وبعد ما يخلّص الخطبة، ينزل من على المنبر ويركب سيارته الفارهة ويتوجه للقناة يلي عامل معاها عقد لبرنامجه (الزاهدون في الدنيا)
وصار الناس ينادوه فضيلة الشيخ بعد ما كان أندبوري حقه فرنك مصدّي.

#شغّل_عقلك.
Hussein Alkhalil

يمكنك دعم الموقع من هنا
مؤسسة ندى لحماية الفتيات

Hussein Alkhalil

الجدال والنقاش مع المغيبين مضيعة للوقت، قل الفكرة واترك له حرية التفكير، إن كان له عقل يفكّر.

اترك رد

زر الذهاب إلى الأعلى