اهتزت محافظة ذي قار/ البطحاء اليوم على قتل فتاتين لايتجاوزن السن القانوني من العمر تحت مسمى (غسل عااار) وهذا ماينافي الدين الاـ///ــلامي وعقيدته واحكامه التي جاءت بخصوص هذا الموضوع
حيث يعرف قضاء البطحاء ب ناسها متعصبين عشائرياً..
بنات ثنين خوات مراهقات من مجتمع مغلق جداا، حتى المدرسة ممنوعة عندهم وكلشي ميعرفن عندهن موبايل يتصفحن علي.
وقد نقل مصدر ان قد تم استدراج البنت من قبل احد اقرباءهم الذي قد يكون له عداوة مع الاهل البنات، فتوصل لهم ع الفيسبوك واستدرج احد الخوات لعلاقة.
طبعا عدم الاهتمام بالبنت هو مسؤولية الاهل، بنات مراهقات ومحد يحن عليهن ولايهتم بيهن، استدرج احد الخوات هالنذل لحدما اقنعها بالهروب، ف خافت على اختها من الظلم فاخذت ذهبها وفلوسها واختها معها وهي متأملة خير بابن الحرام.
المجرم النصاب اخذهن لمحافظة كركوك هناك اخذ اموالهن وكلهن علما ابيع الذهب ونحول فلوس وراجعلجن.
وتركهن وراح وخلاهن بالشوارع مايعرفن اي احد لحدما لكتهن الشرطة.
وبهذا الوقت اهلهن علساس عشاير وعرض كالبين دلالهم ونازعين العكل والا نذبحهن.. فالشرطة سلموهن لمركز الثورة بالناصرية المركز والي بي اكيد مايكدرون يتورطون وي العشاير انطوهم البنات وعلساس ماخذين تعهد ميقتلوهن.. كذب بكذب، البنات خذوهن اهلهن ويذكر المصدر ان ناس بالحشد تبرعو يتزوجوهن بس لاتقتلوهن، وقد توسطلهم شخص لديه رتبة عسكرية وقد ترجاهم ان لايتقتلوهن، وان البنت الصغيرة، جدا صغيرك على غسل العار، وان ليس لها ذنب الصغيرة..
يذكر المصدر ايضا ان الاخت الاصغر، لم تكون طرف باي علاقة وانها قد تبعت اختها الاكبر.
رفضو هذا الشي بحجة " باجر عگبة اكعد بديوان واتعير بيهن ماغسلت عاري" ..
تم قتل البنات ذبحاً يوم 15-05-2020 باحد ليالي رمضان، في صحراء البطحاء وهن يتوسلن لعل هناك رحمة في قلوبهم.. ذنبهن امنن بذيب لم يحاكم ولم يستدرج لاي مشكلة، لان المجرم رجل ولا جناح عليه بقوانين الوحوش وان اسهل عليهم قتل النساء في بلد يحلل لهم ذالك.. انذبحن البنات!!
رغم كلشي مابيهن البنات سليمات ماملموسات قيد شعرة..
ومع ذلك الا يذبحوهن وذبحوهن كقربان لارضاء تخلف المجتمع الذكوري.
الى متى هذا الظلم، شوكت الدولة تتحرك شوكت القانون يكون فوق الجميع ليش ينقتلن هل بنات بدم بارد؟!! #تفعيلقانونحمايةالاسرة
#دمالبناتبرقبةالدولة
#الغاءجرائمغسلالشرف
#الغاءسلطةالعشائر
#حقبناتالعراقدينبارقابكم
#لعنةالنساءفيعصورالظلام
#اللهيفضحعرضكم
#تماراعامر
#منظمةحقوقالمرأة_العراقية
