لا لتعدد الزوجات في مصر | التعدد والفطره مشايخ كتير بيقولوا أن التعدد هو الفطره !!!!! وده ادعاء غريب جدا

لا لتعدد الزوجات في مصر

التعدد والفطره

مشايخ كتير بيقولوا أن التعدد هو الفطره !!!!! وده ادعاء غريب جدا اولا فطره الست ازاى حضرتك تدعى أن فطره الست هى التعدد والستات أغلبهم بيرفضوه فى كل البلاد فى معظم العصور لو الستات فى الجزيره العربيه من ١٤٠٠ سنه كانوا منهم إللى بتقبل بيه فده مش حجه على الستات كل العصور فى الوقت ده كانت الست الغير متزوجه بتتاخد جاريه وبتتذل ومالهاش شغل والرجاله عددهم كان قليل بسبب الحروب ومع ذلك كانت حياه صعبه وكلها صراعات

لما معظم الستات ترفض وضع ماينفعش تقول إنه فطره لان كلامك حيبقي مضحك ومقرف الحقيقه الفطره عند حيوانات والطيور أن الانثى لا تقبل أن أخرى تشاركها فى زوجها بس للاسف احنا مضطرين نطالب بحق الحيوانات بيتمتعوا بيه

واخيرا حضرتك ما ينفعش تحكم على فطره الست تقبل التعدد أو لا لأنك عمرك ما كنت ست ولا انت دارس علم نفس وكلامك اصلا جهل فى جهل وتخاريف

وبالنسبه للاخت بتاعت هو حق الرجاله بس انا ما اقدرش استحمله كل الستات زيك على فكره فاسكتى احسن

أما فطره الراجل فمش عارفه ايه مصدر معلوماتكم العظيم ان الرجاله خاينين بالفطره ومش بيشبعوا الراجل انسان عنده عقل وضمير مش حيوان بيجرى طول الوقت ورى غرائزه والراجل الحقيقي لو حب بيكون مخلص جدا حضرتك عندك مشكله نفسيه روح عالجها ولو حتقولى بتتكلمى ازاى وانت مش راجل ؟ حقولك انا دارسه علم نفس ده تخصصى فبرضه اسكت احسن

ثالثا ادم وحواء ادم وحواء بيمثلوا الفطره البشريه يعنى لو الفطره التعدد كان ربنا حيخلق لادم ستات كتير وهو كان محتاج ستات كتير علشان يخلف كتير علشان يعمر الارض

بس الى حضرتك مش عارفه أن الستات كانوا حيموتوا بعض مش حيعمروا الارض الست انسان بيحس زيك تمام

بسم الله الرحمن الرحيم (يأيها الناس اتقوا ربكم الذى خلقكم من نفس واحده وخلق منها زوجها صدق الله العظيم زوجها واحده واحده بس)
Meho Mokhtar