حقوق المراة العراقية | #استشارات_قانونية

#استشارات_قانونية
#حضانةالطفل تصلنا كثير استفسارات عنها..
_الطفل بالقانون العراقي حضانته للام من عمره يوم الى 15 سنه
واذا الزوج اخذ الطفل بدون موافقه امه يحق للام ان تقيم دعوى على الاب تسمى دعوى تسليم اطفال
واي اتفاق عشائري او غير عشائري بمستند اوتعهد ينص على تنازل الزوجه (الام) عن اطفاله بالقوه اومقابل مبلغ معين وبحضور شهود وبتوقيع وبصمه للام وحته اذا تم تصويره فديو اوصور فوتغرافيه وتم ابرازه للمحكمه من قبل الزوج،سوف يعتبر هذا التعهد باطل جمله وتفصيل لانه مخالف للنظام العام والاداب..

عندم تاخذ قرار وتحضر شهود او اي ادله اخرى ،تاخذ القرار تنفذه ،واذا مارجع الطفل
تتحول الاجراءات الى محكمه التحقيق وتنفتح بحقه شكوى بمحكمه التحقيق على عدم تنفيذ قرارات المحكمه..والشكوى هذه بعض الاحيان يصدر بيه امر قبض بحق الزوج..

_بخصوص الطفل وحضانته الطفل حضانته عند الزوجه ومن شروطه العقل والصحه والامانه والبلوغ
واذا صار طلاق
تقيم دعوى نفقه للطفل وممكن كل سنه تقيم دعوى تزيد بيه النفقه باعتبار الطفل كبر وازدادت مصاريفه لكن بحدود العشره الاف دينار اواكثر وتبقى النفقه لعمر ال 18 واذا الطفل مستمر بالدراسه والكليه تبقى لحد الكليه النفقه..

_واذا تزوجت الزوجه بشخص ثاني يجب ان يتعهد الثاني بتربيه الطفل بعقد الزواج
بالنسبه للحضانه وسقوطه لاتسقط الا اذا كان هناك دعاوى تتعلق بخيانه الزوجيه وصدر بيه قرار حكم بحق الزوجه (اثناء الزواج اقصد)

_تسقط ايضا الحضانة بحاله تبلغ الزوجه بالحضور لقاعه المشاهده ليراه والده لاكثر من ثلاث مرات وهذي الحاله نادره وقليله ..

_بالنسبه للمساومات و الاتفاقات وضغوط على الزوجه حتى تتنازل وهذا الاتفاق يعتبر ايضا" باطل جمله وتفصيلا ومخالف للقانون ولايؤخذ به حتى لو كان بيه بصمه وتوقيع وشهود وفيديو على الزوجه انه يضم تنازل ايضا" يعتبر باطل ولايعتد به قانونا /.
وتكدر ترجع تقيم دعوى تسليم اطفال وتاخذ اطفاله وبموجب القانون..

المحامي جعفر محمد
#حقوق_المرأة_العراقية
#سارة_جاسم