حقوقيون

حاكمة علي (العمة تقية) | فجأة قررت العمة أنها تستغل الحجر الصحي علشان تسوي اشياء إيجابية ، بكرتو اليوم

فجأة قررت العمة أنها تستغل الحجر الصحي علشان تسوي اشياء إيجابية ، بكرتو اليوم علشان خلاص يبدأ اكل اكل صحي و قده كمان ريجيم ، قومي يا تقتق اشربي مي حامي على الريق ، ووصي ابنك يروح من الجن يشتري خبز اسمر أو توست صحي ، المهم رجعلي ابني بالتوست الي ماهوش حتى بمأتين ريال ، و خسر ثلاثمئة حق متور علشان يدور لي ..
المهم .. دخلتو المتبخ .. حميتو التوست و عملتولي فوقة شوية جبن و جنبه شوية مي حامي معصور فوقه ليم حامض .. و يلا سبر القراع الصحي .. بطني تقرقر بحال جوعانة شنفطس و اني جالسة اسوقة مي حامي علشان اشبع ..
قمتو فتحت اليوتيوب، كتبت تمارين رياضية في البيت .. شفتو حاجة اسمها تمارين كارديو .. فتحتو الفيديو و قمتو انتبشت زي ما يعملوا و جلست اتعصور على صوت الاغاني لمن عضيت ،، هو الصدق أنه وجع كل جسمي لكن الصراحة حسيت اني انتعشت ..
جلست شوية و اني مش عارفة ايش اسوي .. فجأه خرجت تقتق السديس الي بداخلي و تقلي ايش رأيك تصلي صلاه الضحى ؟ و اني منصدق طنت براسي و يلا توضيت و لبست و صلينا .. ما دريتوش بنفسي الا اكل الركعة الثانية الا و اني جالسة ، ارجلي معضيين بحال بسبب الجنان حق الصباح ..
اجا وقت الغدا .. وانت قومي يا تقية قطعي سلطة مليان صحن كبير و اقتلبي ارنبة ، كل ما قرقرت بطنك شوقيها سلطة و خس ، مع شوية رز ابيض و سحاوق بس ..
بعد الغداء الا و اني افتح جروب الملكات في الوتس و يلا دوري خلطة التقشير السحرية .. و اقوم اعمل القهوة مع العسل و مع زيت الزيتون و اخلطهم و هوووووب على وجهي و افحكي يا تقتق و خرجي الدحل الي بوجهك و قومي غسلي و اعملي بعده هرد .. و ارجعي غسلي و اختمي بالزبادي و اخرجي يا تقتق بكل نضارة و جمال كالوردة المفتحة ..
الان جالسة بالمجلس افسبك و احس نفسي قدني بحال .. مو كلف الله على نفسي الحياه الصحية و الاهتمام بالنفس متعب لكن مو نعمل قده محبوسين بالبيوت و الله ما شكملش ذا الوضع الا و نحنا فيلة ما تقدرش تتحرك ، خلونا نهتم شوية ، كيف أواصل أو لا ؟
#تقتقالتفاحالاخضر

حاكمة علي (العمة تقية)

اترك رد

زر الذهاب إلى الأعلى