تزويج القاصرات هو عنف جنـــ-سي صريح على البنات في أماكن كتير جدًا ، ورغم أننا في أواخر سنة 2022 وعلى أعتاب سنة 2023 لسة في مجتمعات شايفاه حاجة عادية جدًا.
ليه الناس بتتعامل مع ده عادي؟
أولاً: الاعتقاد بأن الجواز ستر للبنت ووقاية لشرف العيلة والحل والتطور الطبيعي لحياة أي بنت فا دلوقتى او بعدين مش هتفرق، كمان توفير لمصاريف البنت واجبارها على التخلف عن التعليم
ثانياً: التعامل مع البنات والستات كسلعة تُباع وتُشترى مش كبني آدمين.
ثالثاً: عائلات كتير جدًا مش بتشوف ان ده حاجة تضر البنت ولا عندهم خلفية عن آثاره السلبية عليها وعلى صحتها وحياتها.
رابعاً: فهمهم ان الدين أحل ده
تزويج القاصرات هو انتهاك لحقوق الطفل قبل ما يكون انتهاك لحقوق المرأة و بيوقف أحلام بنات كتير وبيحصرهم بين أربع حيطان
طفلة محتاجة رعاية وتعليم تبقى مرة واحدة أم مسؤولة عن اطفال تانيين ومطلوب منها تربيهم وتراعيهم
البنت دي تعليمها وقف وبالتالي مبقاش عندها فرصة انها تتوظف وتصرف على نفسها وبالتالي بقت حرفيا تحت رحمة جوزها اللي غالبا بيعاملها أسوأ معاملة.
لحد وقت قريب مكانش في عقوبة واضحة وصريحة للجريمة دي
«لا يوجد إلا تجريم وحيد مستقل لهذا الفعل منصوص عليه في المادة 227 من قانون العقوبات المصري، وهي تعاقب عن عدم إثبات بلوغ أحد الزوجين السن المحددة قانوناً فقط، فضلاً عن عقوبتها الهزلية بالحبس أو الغرامة، وهي خاصة بالمأذون الذي يقوم بتزويجهما»
ولكن قدرت النائبة إيناس عبد الرحيم تطرح مشروع قانون يجرم زواج القاصرات حيث نص على:
يعاقب بالسجن مدة لا تقل عن ثلاث سنوات أو بغرامة لا تقل عن مئة ألف جنيه كل شخص خوله القانون سلطة ضبط عقد الزواج سواء المأذون أو الشهود أو الزوج أو الولي، وهو يعلم أن أحد طرفيه لم يبلغ السن المحددة في القانون…..
لو سمعت/شوفت أي محاولة لتزويج قاصر اتصل على خط نجدة الطفل 16000 وانقذ حياتها.
حملة #سامعينك بالتعاون مع Hiryo هيريو ضمن حملة ال 16 يوم لمناهضة العنف ضد المرأة
كتابة: همس محمد
#العنف_الجنـــ-سي
#حياة_النساء_في_خطر
#قوانين_لحماية_النساء
#سوبروومن
#١٦يوم
#16DaysofActivism2022
#حملة_ال16يوم_لمناهضة_العنف_ضد_المرأة
#سوبروومن
#16days
#قانون_منصف_للستات
#لا_لتزويج_القاصرات
يمكنك دعم الموقع من هنا
مؤسسة ندى لحماية الفتيات
