اياد شربجي
لما تعيشو الزعيم
بتموت البلد
لما يموت الزعيم
لا تعيشو الولد
من الطايف ولبنان طايف
ع جثث ونعوات
من الطايف ولبنان طايف
ع صور ورايات
وعمايم وكرافات
وسادة ومرجعيات
وجرايد وشاشات
وشيخ وجنرال
الكاشف
وانتو بعدكن انتو
بعدكن متل ما كنتو
بتعملوا الوطن موال
بتدبكو لجبال الما بتنطال
جبالكن صارت مقالع
موالكن صار مواجع
لبنانكن صار للفقيه
وبلدكن بإيد السفيه
بتصرخو …. وبتقطعو الطرقات
وبتعملو … ع بعض ضباط ضباط
بتهتفو
كلهن حرامية …. إلا زعيمنا
كلهن يسقطو …. إلا عهدنا
صدقتوهن لما قالو
الديموقراطية ت تنتخبونا
ندافع عن وجودنا
تبرز بوجهن
ت ما ياخدو البلد إلهن
شو إلهن وشو إلكن؟
…. مشي
كلو للزعما
الكثير والوزارات
والمحاصصة
والمناقصات
وانتو إللي عمتنقصو
وتموتو بالحارات
طلعتن ريحتهن من زمان
طلعت ريحتهن يا شعب لبنان
بيكفي
ت ولادكن إللي بقيو
ما يوقفوا ع بواب السفارات
* اياد شربجي
– – – –
التصميم للصديق المبدع مصطفى يعقوب
