#علمواولادكمالادب
#البنتمشغلطانه
– صور وفيديو مرعب :
- إمبارح وتحديداً الساعة 12 ليلة رأس السنة. في مدينة "المنصورة". أكثر من 200 شاب بيحاولوا يتحرشوا ويعتدوا على "سيدة". ومفيش غير 3 اللي بيحاولوا يحموها. ومحدش حرفياً من المتحرشين قادر يسيطر على أعضائه .. رغم صراخ السيدة والاستغاثة .
- دخلنا 2020. بأسوء شكل ممكن. شوفت الفيديو اللي مش هقدر انزله عشان (سياسات الفيس). الفيديو ده والله خلاني أترعب من الجيل اللي طالع. وأنا شايف أن الإيجابية الوحيدة هي أن الموضوع تم تصويره عشان يتم القبض على كل واحد ظهر في الفيديو وهو بيحاول يعتدي على السيدة. ويتحط الفيديو في حياتهم (كوصمة عار).
-
مفيش أسوء من اللي يبرر اللي حصل ده. مهما كنا وحشين وكلنا كذب ونفاق وقلة ادب وأخلاق. مفيش أكثر وساخة من التعرض لسيدة بالشكل المرعب ده. فيديو من أكبر صدمات حياتي. لأن لما يكون 3 من 200 ذكر بس هما اللي واقفين مع البنت. يبقى في مصيبة حقيقية في العقول. وفي كومنت شوفته بيدافع عن العيال دي صدمني بيقول (استروا اللي ظهروا في الفيديو ). وهل في وقاحة وقلة أدب زي كده ؟
-
بتمنى بأن كل واحد واحد من العيال دي يتجاب فوراً. لأن اللي حصل ده. هيكون عار علينا لو سكتنا أو محصلش ليهم عقاب شديد. في السعودية من كام يوم حصل زي كده. فتم القبض على أكثر من 200 "ذكر متحرش". في يوم واحد بس. وأنا واثق في الداخلية المصرية وإنها مش هتتهاون معاهم ابداً .
-
وبالنسبة للبنت :
أنتي مغلطتيش. أنتي أكيد مينفعش تعيشي في مكان زي ده ثاني. ياريت اللي بيحبها يساعد إنها تتأهل نفسياً. وتعيش في مكان يحترم حريتها وحقوقها كأنثى . وكلنا معاكي وبندعمك وواقفين جمبك. وحقك هيجي أكيد. وأن دي مش أخلاق أي مصري عنده وعي وثقافة. دي الرواسب وانعدام الأخلاق والتربية والوعي .
