اللى نشر المسيحية ف مصر هو فرد واحد من أصل ليبى هو مرقس الرسول، وأهل الأسكندرية عاصمة الثقافة فى العالم وقتها قبلوها بكل بساطة، ماهما برضه عندهم الثالوث بتاعهم يادوب شالوا إيزيس واوزير وحورس، وحطوا العدرا ويسوع والآب، – طبعا العدرا مش من الثالوث بس البعض عبدها حبا وكرامة، وفضلت صورة إيزيس وهى بترضع حورس رمز للمسيحية عدة قرون- وآمن أهل الأسكندرية اللى فيها يهود كتير، وأهل المدن الكبرى، مع ملاحظة إن مرقس الغريب مشى ورجع يموت هنا، يعنى كل المؤمنين من أهل البلد، حتى ولو كانوا يهود متمصرين .
وعشان تنجح فى الوصول لشعب عنده مدرسة للفلسفة ومكتبة هى الأضخم فى الكون، أنشأت مدرسة المدافعين الفلسفية، يعنى إنتشرت بالفكر والفكر المضاد مع تبادل للعنف من الأطراف كلها فى حدود مقبولة،- لو إستثنينا هيباتيا- وسبب العنف إن القربان اللى بناكل فيه جسد المسيح قالوا معجون بدم أطفال، وانتشرت الشائعات فى طول مصر ومنعت الصعيد يدخل بكثافة فى الدين الجديد.
مع الوقت بدأت المسيحية فى القرنين التانى والتالت تبقى ديانة المثقفين من أهل المدن، ودول تعالوا على الصعايدة الوثنيين، وكانوا بيطلقوا عليهم لفظة ” باجان” يعنى فلاح على سبيل التحقير، وربما الفلاح عابد الوثن، وفضلت باجان بعد ماحرفناها إلى بجم شتيمة لحد أيامى.
بعد إغلاق المعابد الوثنية سنة 392 بدأت المسيحية فى إكتساح الصعيد، ولما وصل البدو مصر كان 90 % من المصريين مسيحيين، وكلهم بلا إستثناء من أصول مصرية .
نقطتين يحسبوا لصالح المسيحية، إنها انتشرت بالفكر والإقناع بين أهل البلد، وبدون غزو واحتلال خارجى، والتانى إن الأسكندرية صارت رأس المسيحية الأرثوذكسية، يعنى الأرثوذكس بينتموا لمصر ومصر المسيحية مش شايفة مكان أقدس منها فى الكون، مع الحج لبيت لحم ولكن يظل الولاء للدولة المصرية …………….
هات لى دين تانى ف مصر موالى وعاشق للدولة المصرية غير الدين المسيحى ……………….
يمكنك دعم الموقع من هنا
مؤسسة ندى لحماية الفتيات
حقيقى ياعمنا شكرا لحضرتك على مجهودك الجبار وتعبك لتوضيح حقائق مهمه لا نعلمها
تمام يامولانا عشق الوطن أهم من الاديان
على حد علمى أنا هناك كتاب للأب متى المسكين يقول أن المسيحية لم تنتشر إلا عندما دخل قسطنطين؟ المسيحية وبدأ فى إضطهاد أصحاب الديانات اﻷخرى، ولذلك فقد إضطهد البابا شنودة اﻷب متى المسكين بسبب هذا الكتاب.
الله يفتح عليك
لا يا محمد ماظنش متى قال الكلام دة، والحقيقة هو فيلسوف وليه وجهة نظر معينة، بس أنا مقاطع منتجه الفكرى لأنه خاين للكنيسة وللبابا شنودة بسبب الحقد والغل على عشق الشعب للبابا………. وطبعا مافيش اتنين يختلفوا على إن سيدنا البابا شنودة كان آخر فرعون مصرى عظيم.
عاوزة اشوف المصادر اللى تثبت أم القديس مارمرقس هز اللى ادخل المسيحية مصر
قول للسفلة اللى قالوا فى ميدان النهضة واحد اتنين الأسطول الأمريكى فين
قول للهمج اللى بيتهمونا أننا نحتمى بالغرب وعملاء للغرب
قول لطافشى الصحارى النازحين من جزيرة القحل بلابيص أننا أكثر ولاءاً وحباً لوطننا مصر
قول لهم ماينفشوش ريشهم علينا ويتغنون بأنهم الأعلون
اى انسان لايعشق وطنه خاين الوطن اهم من اى شئ
حبيبى يامولانا
حضرتك بتقول ان تم إغلاق المعابد الوثنية .. هو دة مش اضطهاد برضه ولا نسميه إيه
احنا ملح الارض
اسكندرية اصل الشرور
الدين الذى قضى على الحضارة المصرية و دمر معابدها و قضى على الكتابة المصرية القديمة فدخل البدو مصر فوجدوا من تخلى عن ماضية و طمس حضارتة فسهل عليهم الامر.
مصر وطن يعيش فينا
المسيحين هم اساس المصريين واخر عرق اقرب النقاء للاسلاف مهما ادعوا غير ذلك اقولها وأنا مسلم الديانه مسيحى الهوى محب للسيد المسبح وامه مريم العدرا
لنشر المسيحيه عليه السلام وملة المسيح الحروب الصليبيه كلها بعد موت المسيح والاعتداء على الاوطان وقتل بعضكم
مثلكم مثل ملة محمد عليه السلام بعد موته
كلام مرسل
أنت محمد برضه ولا جرجس ههههه
اول من امن بالمسبحيه في مصر القديس (اثناسيوس) الاسكافي في الاسكندريه علي يد القدس المبشر ( مرقس) الشهيد وذلك عندما اراد ان (يرتق) اويصلح نعله او مداسه عند القديس اثناسيوس فغز المغراز بيد االقديس اثناسيوس فشفي ببركه القديس المبشر مرقس الدي وضع علي يديه حفنة من التراب ثم باقي القصة الي اخرها
ومن ثم كانت اول كنبسة في تاريخ مصر في بيت ابونا اثناسبوس اول بابا في مصر !!!
ولدا حتي الان نطلق علي اي بابا
بابا الاسكنرية المرقسية الارثوذكسيه وليس بابا القاهرة مثلا وفيما بعد تقىيبا في عصر الفاطميين نقل نقر البابوية الي القاهره لتلتخفيف علي سفر البابوات او البطاركة
ان تاريخ مصر القبطي هو تراث قيم و عظيم يروي اهم حقبه في تاريخ مصر علي مى العصور فهو ملك مصر ولبس ملك الكنيسة وحدها فيحب لت يدرس للاحيال علي الاقل في كليات الاداب تحياتي احضراتكم جميعا ( العربي)
يا اخي اقرا التاريخ كما كتبه الاقباط انفسهم . لما قرر الامبراطور ان الدين المسيحي هو الدين الوحيد بالامبراطورية ليضمن وحدة البلاد تم حرق اصحاب الديانات القديمة و طرد اليهود و الاستيلاء على ممتلكاتهم و حرق هيباتيا بعد تمزيقها و تعميد محافظ اسكندرية و الموظفين اجباري علني . اقرأ كتاب التاريخ الكنسي او اتفرج على فيلم قصة هيباتيا على يوتيوب .
تسلم ايدك يا مولانا طبعا احنا عِشرة قديمة و متأكد ان كلامك ثقة بدون جدال لكن انا مقتنع جدا ان مافيش اي دين غير الدين المصرى القديم الوحيد اللي انتضر في مصر بالفلسفة لكن لا يهودية و لا مسيحية و لا اسلامية كانت طيبة و بنت حلال دايما كله كان بيبدأ ضعيف و حنين و اما يضموا ليهم عدد اكبر و يصبحوا قوة ( اول من يدخل اي دين بيكون دايما من الفئات المنحطة و الفقيرة و المستعبدة ) بينقلبوا لفرض الدين بالقوة و بالحرق و بالقتل و غيره …. و كل الديانات دي ظهرت اما جه ابرام او ابراهيم مطرود من بلده لسوء اكيد عمله و جه مصر شاف الديانة المصرية وقت اما سلم ساراى لحاكم مصر و بعدين اتطرد بيها راح للشرق الكنعانيين و ألفلهم دين علي خلفية الدين المصرى القديم …. و بردو تسلم ايدك يا مولانا ❤❤
Mohamed Abo Saef
اخناتون بس هو اللي عمل الحركات دي 🙂
بدون نقاش يا مولانا كلامك صح ❤👍
بلدنا تحولت من الفلسفية الي السلفية
تسلم ياجميل
تصدق انا كنت حاسس ان الدين المسيحي منسوخ من الدين المصري القديم زيه زي الاسلام
حضرتك أكدت لي القناعة اللي عندي أن الأديان السماوية الثلاثة منسوخه نسخا من الدين المصري القديم
قصة حورس اللي بيرضع من ايزيس هى هى عيسى اللي بيرضع من مريم
عارف لو حضرتك اشتغلت على فرضية أن الأديان السماوية الثلاثة منسوخه من الدين المصري القديم هتوصل لنتائج مذهله
بعض حكاوي التاريخ لسه محتاج تحقيق و بحث كتير
يعنى ايه قبط ؟