استغاثة بنت اسمها ياسمين دخلت مستشفى من أكبر المستشفيات في مدينة نصر “د.ف” يوم…

استغاثة

بنت اسمها ياسمين دخلت مستشفى من أكبر المستشفيات في مدينة نصر “د.ف” يوم 7/1/2022 على أساس أنها هتعمل عملية الزايدة لكنها اتعرضت للتحرش من الممرض.

الحكاية بدأت بعد لما طلعت من العملية كانت مركبة درنقه، دخل الممرض المتحرش عليها بغرض انه هيغير على الجرح بتاعها مع العلم أن ممنوع ممرض يغير على الجرح غير الدكتور، دا غير أن ممنوع الجرح يتفتح يوم العملية للأسف هي مكنتش تعرف دا.

وعشان لما دخل ولقى صاحبتها معاها حب يخليها تسيبها وتمشي فقال لصاحبتها إنه محتاج مشرط بسرعة فخض ياسمين وصاحبتها، وصاحبتها من الخضه خرجت عشان تجيب المشرط زي ما قال عشان خايفة على ياسمين، وأول لما صاحبتها خرجت الممرض اتحرش ب “ياسمين” لكن هي شالت ايده بسرعة واتخض من ردت فعلها دا غير أنه حاول يخرج صاحبتها مرتين.

ياسمين نادت على ممرضة وقالتلها أن الممرض اتحرش بيها وأنها مش هتعمل قضية بشرط أنه مش يدخل الغرفة بتاعتها تاني، أكدت عليها الممرضة أنه مش هيدخل تاني لكن مع الأسف دخل مرتين كمان.

ياسمين قررت أنها هتاخد حقها وعملت محضر رقمه 126 لسنة 2022 جنح ثانية مدينة نصر، وفعلاً الشرطة جت المستشفى والدنيا اتقلبت، وناس من المستشفى حولت تخبي المتحرش لكن اتقبض عليه.

لكن للأسف الموضوع مش انتها لكدا لأن المتحرش أخد براءة ومش كدا وبس دا كمان المتحرش عايز يرفع قضية رد شرف على ياسمين.

#عشان_متكونش_ضحية_جديدة
#أنا_الضحية_القادمة
#أوقفوا_العنف_ضد_النساء
#قانون_موحد_لمناهضة_العنف_ضد_النساء

يمكنك دعم الموقع من هنا
مؤسسة ندى لحماية الفتيات