“أنا لازم أشتغل ما أنا لو ما اشتغلتش مين هيصرف على أمي واخواتي اللي أنا شلت همهم…


“أنا لازم أشتغل ما أنا لو ما اشتغلتش مين هيصرف على أمي واخواتي اللي أنا شلت همهم من بدري”
جملة لضحى “ريهام عبد الغفور “من مسلسل وش وضهر بتعبر عن واقع بتعيشه كتير من البنات في مجتمعنا تم عرض المسلسل يوم 27 يونيو الماضي، إخراج مريم أبو عوف ومن بطولة إياد نصار وريهام عبد الغفور، المسلسل بيتناول حياة ضحى البنت المسكينة اللي بتشتغل في مصنع حلويات في طنطا، وبتصرف على عيلتها المكونة من أمها واخواتها وبتضطر تشتغل رقاصة في الأفراح الشعبية مع صحبتها هبة علشان تجوز أختها اللي مصاريف جوازها بتفوق قدرتها المادية.
بتعاني ضحى من عدم رضاها عن شغلها ومسئولياتها المادية وكمان نظرة المجتمع اللي لو اكتشف شغلها الحقيقي عمره ما هيرحمها فبتضطر تكدب وتقول إنها ممرضة وبعد مشاجرة بينها وبين متعهد الأفراح بتشتغل عند دكتور جمال “إياد نصار” الدكتور المزيف في عيادته بعد ما رشحها ليه أبو البراء المعروف بتدينه الشديد في المنطقة وده بعد ما عمل تحرياته الكاملة عنها كممرضة.
لو ضحى كان عندها فرصة تشتغل شغل كويس يكفيها عمرها ما كانت هتلجأ لشغل مش مناسب قناعاتها واختيارات حياتها ولو كان المجتمع بيرحم عمرها ما كانت هتكدب وتقول إنها ممرضة. ضحى حاولت تخلق فرص لنفسها بالشغل في العيادة ونجت في الأخر رغم كل الأحداث اللي مرت بيها.
انتي كمان لسه في حياتك نجاة ومش مضطرة تشتغلي أي حاجة مش مناسبة لظروفك أو تشتغلي حاجة عشان بس مش متاح غيرها.
عندك فرصة تتعلمي طول الوقت وعمر الفرصة ما بتروح. نجاة لسه بتدي أمل وفرص لستات كتير تابعينا.

كتابة :آية غلاب

#سوبروومن
#نجاة
#وش_وضهر
#مريم_ابو_عوف
#قسم_الدراما_والسينما
#العنف_ضد_المرأة
#الدراما_والنساء
#لسه_في_حياتك_نجاة
#Nagat
#Superwomen


يمكنك دعم الموقع من هنا
مؤسسة ندى لحماية الفتيات

Exit mobile version