“أنا عايزُه في استشارة مستعجلة..دلوقتي كان عندي أخ، عنده عيلين وتوفى الله يرحمه، والوصاية على العيال راحت لأبويا، لو بعد الشر يعني أبويا جراله حاجة .. الوصاية على العيال تروح لمين؟” صالح – من مسلسل #تحت_الوصاية
——————–
المسلسل الرمضاني المتميّز “تحت الوصاية” يلمس من جديد الواقع المرير في حكايات تملأ الشوارع والبيوت – ولكن تمرّ مرور الكرام في الأعمال الدرامية، كأنها حكاية خيالية تحدث للآخرين فقط. –
متناولاً هذه المرة الميراث.
فنرى العم “صالح”، رجل طول بعرض، سيتزوج بعد أشهر قليلة، يعني سيفتح بيت جديد، ولكنه للغرابة يعيش حياته ككائن طُفيلي يتغذى ويعيش على الآخرين حوله، تارةً من وارد الورشة التي يعمل فيها أبوه بيده رغم كبر سنه، وتارةً أخرى من أخيه اللي كان الدجاجة التي تبيض ذهبًا، برزق البحر من مركبه الوحيد.
وعندما مات أخوه، لم يستطع العيْش إلاّ بالتسوّل وسرقة رزق أولاد أخوه وأرملته، يضع المركب نَصب عينيه، يُقا.تل من أجله، يشهد الزور ويرشي الشهود، يُلاحق الأرملة المنكوبة في زوجها وحياتها، ولا مانع من طلب دعوة لشفاء أبيه في المسجد فقد تحدث المعجزة.
يسأل محاميه عن إمكانية التحكّم في ميراث الأطفال في حالة موت الجد، وملامحه اكفهرت حزنًا عندما علم أن الوصاية ستنتقل – للأسف! – للأم، وأن حلم الثروة والعيش كصعلوك سينتهي قريبًا جدًا.
ملف الميراث من الملفات الشائكة للغاية في مجتمعنا، فرغم أن المسلسل يعرض العم المحروم من الميراث بسبب وجود “طفل ولد” كما يخبرنا القانون المصري ودار الإفتاء.
(وهنا لن نتكلم هنا عن تشريعات، فالأزهر أوْلى بها، رغم أن العلماء توقفوا منذ زمن عن البحث وإيجاد مفاهيم وتعابير تُناسب الواقع والحياة بمعطياتها الحالية التي كانت تختلف تمامًا من 1400 سنة!.)
إلاّ أنه في حالات أخرى كثيرة، يترك المُتوفى البنات فقط، ويُلاقينَ مصير أشنع من ذلك بكثير، حيث يتكالب الجميع على ما خلّفه الأب المُتوفى .. غير سامحين بهروب ولو مليم واحد بعيدًا عنهم..
وعندما نُطالب القانون والمجتمع أن يحموا حقوق الإناث بعد موت عائلهم، يصرخون بعلوْ صوتهم “أنه كلااااااااااااااااااااام الله” ولا سبيل للاعتراض.
ويكتفي المجتمع بمصمصة الشفاه في حرج أنه “كيف لم يترك الأعمام” نصيبهم للبنات، وكيف اختار الجد وولاد العم أن يستولوا على “الشقة الحيلة” لدى الزوجة والابنة وإنه “دا كلام برده؟”.
لذا تظل المطالبات، مرارًا وتكرارًا، بقوانين مدنية غير مرتبطة بدين ولا بعُرف، تحمي الجميع، والكل يكونون فيها على قدم المساواة.
كتابة: أمنية إبراهيم
#الميراث
#مرصد_دراما_رمضان
#رمضان_2023
#قسم_السينما_والدراما
#سوبروومن
يمكنك دعم الموقع من هنا
مؤسسة ندى لحماية الفتيات
مافيش مشكلة يا مدام نغير الدين و الشرع و الميراث عشان خاطر العم لا يورث و الأم هي إللي تتحكم في الميراث كله و تضيعه علي أهلها هي و تروح تتجوز عرفي عادي خالص عشان تحافظ علي المعاش بتاع جوزها المتوفي أهم حاجة نمنع العم الراجل إنه يورث
تروح لوداد مرات سيد العمده
ايه الكفر دا؟
شرع ربنا مش عدل والبشر هما اللي هيعملوا العدل
ده فيه عمام بياخدوا من بنات اخوهم حتى العربية .
الدين حفظ حقوق الجميع انثى او ذكر. استيلاء الاعمام على ميراث البنات لا علاقة له بالدين لان الشرع حدد نصيب كل فرد مسبقا. شرع الله صالح لكل زمان و مكان.
هو مين قال ان اخو الانسان لما يورث فيه دى مصيبه او حاجة غريبة تستحق النظر اصلا …
اخويا ابن امى وابويا اللى من دمى وظهرى طول عمرى اللى عايشين مع بعض ٢٠ ولا ٣٠ سنه بناكل من طبق واحد .. بقى حد غريب بيتعامل كأنه جربة لحساب واحدة دفعت فلوس علشان اجوزها وممكن تكون عاشت معايا بصرف عليها سنه ولا سنتين ، وشايفة نفسها احق بفلوسى وتعبى لنفسها واخويا لأ …
انتو مين اقنعكم انكم مهمين اوى كده !!!
كلامك رخيص
شرع الله هو الحل
السلام عليكم ورحمة الله وبركاته.
المرأة فى الإسلام ترث فى أكثر من ثلاثين حالة مثل الرجل وأكثر من الرجل …
إلى الحمقاء صاحبة المنشور المطالبة بالابتعاد عن الشرع فى احكام الميراث ..أقول : “”واتقوا يوما ترجعون فيه إلى الله””..
الكلام ده كلام ف ا رغ الدين لازم يحكم ادق تفاصيل حياتنا والقوانين المفترض تتغير بحيث تبقى مشرفة اشراف حازم على الوصى وملزمة لكل الاطراف بالوفاء بالحقوق انما علشان نركن الدين ونقول قوانين مدنية يبقى انت لا م س ل مة ولا تفهمى معنى الاسلام
ياعم البنت ليها نص ميراث أبوها، ولو بنتين لهم التلتين، والزوجة ليها السدس، ولو الأم حيه ليها السدس، يعني الأخ حيطلع بلوشي، أنت بتربطي بين شرع ربنا اللي بيدي كل واحد حقه، وبين اللي بيعمله ناس بيعصوا شرع ربنا، يا إما أنت مش فاهمة يا إما فيه نية خبيثة في النفوس.
خالي الله يرحمه الف رحمة خلف ثلاث بنات و له اربع اخوات صبيان. بعد موته ماما ( البنت الوحيدة) جمعتهم و قالت لهم اوعوا تطمعوا في مال الغلابة انتوا مش محتاجين و عيالكم رجالة كبار . كلهم قالوا الا بنات اخونا و اتنازلوا كلهم و سابوا لبنات خالي ميراثهم كامل … علما أن البنات اثنين منهم متجوزين في عائلات محترمة و غنية و الثالثة برضه ربنا يسعدها أهل جوزها ولاد اصول يعني عمليا مش محتاجين
تخيلت لو كانوا اخوالي الأربعة و عيالهم طمعوا في ميراث البنات و شقتهم كمان كان حصل لهم ايه؟؟؟؟
حضرتك اللي بيطبق في بلادنا اصلا لايمت لشرع ربنا بصله بل قوانين وضعها مجتمع ذكوري والصق بها كلمه شرع ربنا علشان الكل يخرص
الأصل الأصيل أنه الجد والعم وخاصه العم لانه قوي والقادر علي العمل والرعايه يكون هو الراعي والسند واللي بيصرف ويسعي لشؤون اولاد اخوه ولهذا اتعمل قانون الوصايه اللي حصل ايه اتنسي الشرع والدين وأصبح الحامي حرامي والسند هو اللي بيبهدل وبذل واتنفي الغرض من القانون خاصه مع خروج الزوجه للعمل والسعي زيها زي الراجل واكتر في رعايه شؤون اولادها فأصبح قانون الوصايه طعن وايذاء للاسره ولابد من تغيره
أما الميراث نفس الشئ المفروض العم اب في نص القرآن يعني هو السند واللي بيصرف واللي بيحافظ علي شؤون بنات اخوه لكن للاسف الكل نسي الشرع ونسي الدين لكن في دي مش هتقدري تغيري شرع ربنا الصريح وكل واحد هيتحاسب علي المسؤل عليهم وممكن في اباء بيكتبوا لبناتهم في حيات عينهم حفاظا علي البنات من طمع الأعمام
انا شفت حالات الوصايا مرتين واحده جارتنا جوزها مات وسايب ولدين وبنتين ميراثه فلوس سايله وبيت جت الست اتجوزت وجوزها نصب عليها في المال السايل وهرب وبقي البيت والعيال اكبرهم اشتغل نصاب عشان يعيل اخواته دي اول حاله والتانيه حاله شاب معاق يحمل جنسيه امريكيه واابوه مصري عينوا عليه مجلس وصايه وابوه لما يحب يصرف عليه يجيب فواتير ويقدمها لمجلس الوصايه ويسترد اللي صرفه وبيعملوا معاه مقابله كل شهر علي النت عشان يعرفوا بيعملوه ازاي
مين امنيه ابراهيم اللى عاوزه قوانين على الموضه يااخت مصر دوله اسلاميه يعنى شريعه وفقه وأحاديث نبويه يعنى ازهر وشيوخ ملو الدنيا بتعريف الناس تفسير كل صغيره وكبيره امثالك من اضاعوا الأجيال
وحياتك اخوات والميراث يبقي ملايين زتاخد الف ونص وتبقى طماعهواخوها الباقي
وقضايا النفقة اللي بتتأخر في المحاكم بسبب جلسات المحكمة الكثيرة
حق يراد به باطل
شلون يعني قوانين مو مرتبطة بدين ؟؟
ملخص البوست اركنو الدين علي جنب ونعمل قوانين علي مزاجنا مش عارف وصلنا لان في ناس بتجادل في ايات صريحه في القران ومفصله عن الميراث ربنا يرحمنا برحمته
الشرع لا يظلم احد
اللهم اغفر له وارحمه وادخله فسيح جناتك
اى حكم عايزه من بنى ادم غير حكم ربك !!!!!!
يا ريت المسلسلات تكون بهدف التسلية فقط. التشريع والدين لهم من تخصصوا فيه ورقيبهم الله سبحانه وتعالى. هذه الامور اكبر واخطر من ان يتدخل فيها غير المتخصص.
صالح هنا العم مالهوش حق يجري عليه كميراث حتي ومعاناة الام والأولاد في المسلسل ظهرت بكن منقولش لو في حالة لو بنات اهل الزوج المتوفي يرثوا ليه ومنقلش لو سالنا ده كلام الله هو فعلا كلام الله الي في حالة انه الشرع قال يرث مش من حقك تقول لا حرام يسسبوا في تاني نقطة الصياغة لازم تكون مختلفة
اتظنين ان القانون المدني ارحم من قانون الله؟ لا تشككي في الدين فالله لا يشرع امرا الا بسبب هدانا الله و اياكم
الموضوع لا يحتاج قوانين مدنية
في المذهب الجعفري الاولاد اذا كانوا ذكورا او إناث الإرث لهم و امهم فقط
اي العم و الجد لا يرثون
ربنا سبحانة وتعالي في الميراث لم يحرم اليتامي من ارث والدهم والولد يحجب اعمامه ولو بنات تورث الاعمام .واحوال كثيرة الاعمام تنزلوا لاولاد اخوهم المتوفي عن حقهم . وخصوصا لو بنات . انا مش شايف ان فيها مشكلة الا اذا . هدم الدين .
حاج بقا لازم تتغير القوانين
فيه نقطه الكل ما يعرفهاش ان الجد بيورث السدس والجده السدس في حاله وجود ولد للمتوفي او لا ..طبعا ب وفاه اي منهم يتم توزيع السدس علي جميع الورثه اخوات المتوفي واولاده فالاعمام تدخل في الورث
دس السم فى العسل
الوصايه تروح للدوله حضرتك لا جد ولا عم ولا ام احسن حفاظ علي مال اليتيم الدوله
بغض النظر عن أن الموضوع شائك وقد نتفق او نختلف في حاجات بس كلمة قوانين مدنيه غير مرتبطه بدين ولا بعرف دي جابت م الاخر الصراحه 😏 ربنا يثبت علينا الدين
المشكلة مش ان القانون ماشي بالشرع، المشكلة انه مش ماشي الشرع كله… واخد حتة وسايب حتة.
الشرع اللي بيدي الولاية للجد والعم علشان يلزمهم بالنفقة والرعاية.
يعني لو الاطفال ماعندهمش ورث ولا مصدر رزق الشرع بيلزم الجد والعم بالانفاق
شرع ربنا واجب النفاذ و لا مجال لتغييره او الاعتراض عليه اما قوانين البشر الوضعيه هي الي ممكن اعاده النظر فيها
وَلَد: (اسم)
الجمع : أَوْلاد و وُلْد و وِلْدَان و وِلْدة
وُلْدٌ، وِلْدٌ ، وَلَدٌ
الوَلَدُ : كلُّ ما وُلِدَ [ويُطلَقُ على الذكر والأُنثى والمثنى والجمع]
حق اريد به باطل
انتقلت من الحديث عن قانون الوصاية الى تشريع الميراث بخبث
الميراث لا حق لنا غي تغييره،،نعم انه شرع الله الذي يقال له سمعا و طاعة
العيب عمره مكان فالشرع
العيب فمفهوم الوصاية و القوامة
خلي مجهودات حضرتك و السادة و السيدات الافاضل اللي بيعتبرو انهم مثقفين و مؤثرين تنصب على تربية جيل يعي هاته المعاني و يفهم انو العم يلم بعد اخوه ميبعترش و انو الجد يدي مياخدش
و انو الاطفال اليتامى عهدة مش فرصة
وانو الام مش دادا ،لا رايها مهم و مهم اوي كمان فتربية اولادها
المسلسل سلط الضوء على قضية مهمة جدا ،،بس البوست بتاع حضرتك فاللالاند خالص
للعلم فقط قضية الميرات جاءت في القرآن وليس من الاجتهاد
المجلس الحسبي المصري قوى جدا فى حفظ حقوق الايتام سواء من الام او اى حد وصى عليهم