أظن إنى الأكثر إيمانا بين جميع معارفى، لأن علاقتى بالسما علاقة حب مش خوف، طب إزاى نوصل للحب مع رب الأكوان؟ وقبلها إزاى نعرف الإله فعلا؟ صحيح عندنا مقولة شهيرة بتقول ” ربنا عرفوه بالعقل”، وسامحونى لو قلت إنها مقولة ساذجة وكاذبة ومستحيل توصل بالعقل ل ربنا، ليه؟ مش هانقول زى الفلاسفة إن عقلنا المحدود مستحيل يستوعب الرب الغير محدود، لكن هانقول ببساطة إن الله مش كيان ولا شئ من كل ماتتخيله، ” ليس كمثله شى”، ولما موسى النبى سأله إسمك إيه؟ رد الرب وقال أكون مااكون، ” أهيه الذى أهيه”، وتجلى الرب للجبل فى سيناء فخر الجبل صعقا من تجلى النور الإلهى أمامه، يعنى الصخر مات لما شاف الإله، وماننساش إن النبى محمد لما المسلمين سألوه عن شكل الإله لما زاره فى السماء السابعة فى رحلة المعراج الشهيرة، رد بعبقرية فوق العادية وقال جملة معجزة ” نور أنى أراه”، والإعجاز فى الجملة دى إنها كانت قبل إختراع التنقيط والتشكيل، وتقدر تقراها بمعانى كتيرة، ومع إن عبقرية محمد مش موضوعنا بس هاشرح إزاى الجملة عبقرية.
تقدر تقراها بالإثبات نور إنى أراه، يعنى شفته نور………..
وتقدر تقراها بالنفى نور أنى- يعنى إزاى- أراه ……….
وتقدر تقراها نورانى …. يعنى الرب نورانى أو منور، إنى أراه أنا شفته نورانى….
وأخيرا بالنفى تانى : نورانى . أنى أراه، دة منور أوى إزاى هاشوفه.!!!
واختار يامؤمن زى ماتحب ………………..
ونرجع للبداية: إزاى نوصل ل ربنا، وازاى نحبه ؟
يمكنك دعم الموقع من هنا
مؤسسة ندى لحماية الفتيات
متابع
تسلم دماغك وتتلال يا قديس العصر
جميل يا مولانا ..من وجه نظري ..
علي قدر نور العلم في عقلك وتجليه في قلبك لا يكون الله ..
لو قولتلك ان الله هو الظلام مش عارف تمشي ولا لا ..
رائع يا كبير
ربنا معرفهوش بالعقل ربنا عرف عن نفسة وأظهر نفسة للبشر
بس دول كهنة(الاثنين الي ذكرت) ومالهمش علاقة بالاله لا من قريب ولا من بعيد. كان بودي لو جبت سيرة سبينوزا والهه، أشيك وأجمل.
مع احترامي لحضرتك
لكن ازاي احب ما لا اراه
لكن اقتنع بوجود ما لا اراه بالعقل
هذا ممكن