– المشروع والفكرة العبقرية اللي قدامكم دي من تنفيذ الشابة الجميلة "رانيا رفعت" / "دفعة فنون المنيا". في عمل ارى فيه عبقرية لإظهار "مظاهر العنف المرأة في المجتمع" برسالة فنية بسيطة ومميزة من البنت اللي بتثبت فعلياً .. إن مصر مليانة فن وفيها فنانين حقيقيين. ولكن ! كانت التعليقات غير سوية ابداً "في الكومنتات". شافوا العمل الفني العبقري "مثير للغرائز والشهوات". وإن "حرام عليكي". وإن "لأزم تغطيه" __ أه والله تخيل حجارة فنية بتثير شهواتهم !
– تقدر تقولي اللي يثيروا التمثال ده ممكن يعمل إيه مع طفلة أو مع سيدة أو حتى مع عجوز أو عجوزة أو حيوان ! تقدر تقول لي ليه الناس دي كثير كده. مش واحد ولا إثنين .. دول مئات ! تقدر تفهمني إن إزاي وصل الانحطاط إننا نشوف الفن "قُبح" __ ولا يمكن عشان هي سلطت الضوء في عملها الفني على معاناة المرأة ! عشان كده كانت تعليقاتهم قبيحة بالشكل ده !
– العمل عبقري. النموذج مشرف وهي دي مصر الولادة بالفنون والفن. ولا عزاء لمدمني الإباحية. والمتحرشين واللي حياتهم عبارة عن قُبح في قُبح في نفاق وازدواجية .. فخورين فيكي يا رانيا. كل الفخر والدعم . ✅❤️
أحمد عرفات | كاتب علماني
