– مع كل لحظة انكسار. مع كل لحظة خنوع وضعف. مع كل لحظة فقدان للأمل. أول بس ما ببص لست الكل والدكتورة العظيمة والنسوية (د. نوال السعداوي) كل الأفكار دي بتمشي تلقائياً. لما بشوف قد إيه هي إنسانة شجاعة واجهت مجتمع متطرف بكل قوة. وسابت تأثير قوي بملايين البنات والشباب من "مصر للمغرب للسعودية لعمان للأردن" .. اللي دافعت عن حقوق المرأة بكل قوة. واللي لها مؤلفات تتوزن ذهب. واللي حاربت الختان والتعدد والظلم بكل شجاعة واللي هي السبب الأول في إن الختان يكون مش موجود إلا قليل دلوقتي .
– د. نوال. محتاجة مجلدات. هي رمز للقوة والنضال السلمي والثورة الفكرية اللي مفهاش نقطة دم واحدة. هزت عروش واصنام لتجار الدين كانوا بيصنعوا فيها لعشرات السنوات في "كتاب أو جملة" .. واللي إسمها ممكن يجيب "تبول لا إرادي". لناس كثير حوالينا .
– د. نوال. أجمل واقوى نسوية أنا شوفتها في حياتي. وبفتخر إن اول كتاب اقرأه بحياتي كان لها .. وإن شاء الله هكون أول شخص يتقدم في "المؤسسة الخاصة بالإبداع والفكر الحُر" .. اللي بتتعمل بأسمها حالياً والافتتاح قريب .. وهتكون مشرفة عليها .
– حفظك الله يا حُرة . ❤️
أحمد عرفات | كاتب علماني
