– السيدة المصرية (فاطيمة جاويش). نزلت بوست عن قصتها اللي حصلت لها مع جوزها الذكوري. اللي مش حابب اصنفه كإنسان ابداً. تعالوا احكيها ليكم. ونقدم كل كل الدعم لفاطيمة وابنها. اللي هي تستحقه جداً .
- جوزها مسافر الأردن. قال لها تعالي أقعدي معاي 3 شهور .. طارت من الفرحة والسعادة. راحت ظبطت كل شيء لها هي وأبنها. وكانت في مطار القاهرة من 10 بالليل. ركبت الطيارة الساعة 4. ونزلت دولة الأردن. بتكلم جوزها. قال لها (أعمل ليكي إيه؟ يلا شوفي هتعملي إيه بقى؟ عشان تبقي تزعلي أختي؟).
-
أيوة. محدش يتصدم. بنفس التفكير الذكوري وقلبه عديم الإنسانية ده كان رده. اتحبست في المطار الأردني لمدة يوم واتعمل لها تحقيقات. ضاع منها "انسيال ذهب". وابنها تعب .. بس بعدها كل شيء أتحل. ورجعت القاهرة في اليوم الثاني وأول ما رجعت لكايرو. رفعت عليه قضية خلع وكسبتها بعد ما قدمت للمحكمة كل اللي يثبت كلامها .
-
والله العظيم. لا يمكن أن ده يكون إنسان. أو عنده عقل أو رحمة في قلبه. لنفترض إن هو عمل كده كعقاب لها. مهنش عليه إبنه الصغير ؟ لدرجة دي التفكير الذكوري مسيطر عليه وخلاه مجرد من كل الاخلاق الإنسانية؟ لنفترض مثلاً يعني أن مراته وابنه كان أصابهم مكروه. كان ضميره مش هيوجعه أو يحس بأي ألم .
-
تخيلوا سيدة هي اللي كانت عملت ده؟ والله هتقوم القيامة ومش هتقعد. ويجي تافه. يقولي ليه اهتمامك الأول بحقوق المرأة؟ عشان أمي واختي وحبيبتي وكل سيدة تمشي بأمان وتعيش وهي معاها حقوقها كلها يا تافه. وعشان أي قانون مش بيرجع حق الإناث يختفي .
-
ويا فاطيمة :
– القصة مؤلمة جداً. بس يكفي ليكي إنك تحملتي ده عشانك وعشان إبنك. وقدرتي تبعدي عنه للأبد. رغم أن الخلع مش بيدي الحق كامل. لأنه مفروض اصلاً يتحبس بعد كل ده. بس اتمنى تكوني انتي وابنك في مكان أفضل وحياة أجمل طول العمر. كل الدعم ليكي ولقصتك. وهو اللي خسر. سيدة جميلة زيك وشجاعة وبطيبة قلبك . ♥️????
أحمد عرفات | كاتب علماني
