– شاب إسمه بسام. سائق توك توك. بسام ماشي في أمان الله بمنطقة الخصوص. محافظة (القليوبية) شافه صاحب لحى مشهور في المنطقة إسمه "أحمد مصطفى عمر" .. معروف عنه إنه بيضايق النساء. وبيضايق الجميع في لبسهم وشكلهم. لقى بسام مشغل "مهرجان". فطلب منه إنه يقفله. رفض الولد. راح صاحب اللحى جاب مقص .. وقطع الأسلاك بتاعت السماعات وحط مقص حامي في رقبة بسام لحد ما الولد مات .
– لأ أثق في صاحب لحى. هما السبب الأول في دمار الشعوب العربية والمستعربة. دمروا حياتنا .. قلبوا حياة كل واحد منا جحيم. نسبة الكويسين فيهم لأ تتعدى ال2 % صاحب اللحى ده فاكر نفسه في حواري باكستان ولا إيران. بس ذنب بسام في كل شخص بيسمع وبيسلم عقله لتجار الدين. اللي لو أنا حقيقي كنت صاحب سلطة. كنت منعتهم في مناقشة أي أمور دنيوية للأبد .. ويا ترى في كام واحد زيه وسطنا !؟
– أبو بسام شخص مريض في ضهره. وبسام كان اللي بيصرف على أمه وأبوه. يعني الألم مضاعف عندهم .. ومش سهل ابداً نسلب الأرواح بالشكل ده .. ولازم صاحب اللحى يتعاقب أشد عقاب .
– ألف رحمة ونور على روحك يا بسام. والصبر والحُب لأبوك وأمك . ❤️
أحمد عرفات | كاتب علماني
