– السيدة المصرية "كريستينا ميلاد". عايشة في ـ///ــلام وأمان فجأة. اتطلقت من جوزها عشان محبتش إنها تكمل مع إنسان غير سوي. جه إمبارح واتهجم عليها هي وابنها. وفضل يضرب فيها وشوه جسمها كله. وهي نزلت بوست أمبارح بتطلب فيه استغاثة من كل الناس. وهي مختفية لحد لدلوقتي .
- هي مذكرتش أي تفاصيل ثانية. بس أنا فهمت إن جوزها له سلطة قوية. ومش خايف إنها تبلغ وهددها. بس هي صدمته لما نزلت اللي حصل في السوشيل هنا. وأنا خايف جداً عليها وعلى إبنها من المتوحش ده .. وبحي شجاعتها والله .. واللي بوعدها أننا مش هنسيبها لوحدها أبداً .
-
الذكور هنا. فاكرين أن من الحق إنهم يعتدوا على الإناث .. ميعرفوش أن ده فعل مُحرم في كل عقيدة. وفعل لا إنساني ولا أخلاقي. كل يوم جريمة. كل يوم حادث مؤلم. (مـ///ــلمة أو مسيحية أو علمانية). كلكم هتتأذوا لو ما ممسكتوش إيد بعض وبقيتم واحد .
-
بتمنى من أي شخص حُر أو محامي يتواصل فوراً مع تلك السيدة الحُرة وينقذها من العذاب ده. ويحقق لها رغبتها في إنها تشوف الشخص ده مرمي في السجن. وأنا مش هتخلى عنها أبداً وهكلم كل الناس اللي يقدروا يقدموا لها المساعدة .
– خير يا سيدتي. صوتك وصل. الله يحميكي . ❤️
أحمد عرفات | كاتب علماني
