– إمبارح شوفت فلم وثائقي على نتفليكس إسمه (American Murder: The Family Next Door) .. خلى دموعي تنزل ساعتين والله ولحد دلوقتي أنا بنزلها. طيب يلا أحكي ليكم القصة الأول بإختصار :
- عائلة امريكية مكونة من 4 أفراد. الزوج : كريس واتس الزوجة : شانان واتس الطفلتين : بيلا الكبيرة (4 سنوات). و سيليستي الصغيرة (3 سنوات). الأم بتدون فيديوهات على اليوتيوب والفيس بوك. الزوج والزوجة تعرفوا على بعض من الفيس بوك وتزوجوا وجابوا الطفلتين. وكان الناس بيشوفوا يومياتهم. وبيشوفوا إن حياتهم سعيدة ومثالية .
– المهم معروف على الزوجة. اللي هيا "شانان" .. إنها مخلصة وبتحب ولادها وجوزها. هو حب واحدة عليها. خانها. بعدين قرر يتخلص منها. (خنقها). و بعدين دخلوا عليه البنات. قالوا له "ماما فيها إيه يا بابا". قالهم مفهاش حاجة. وراح خد جثة شانان. والبنتين كانوا نايمين وركب العربية. راح دفن مراته. وبعدين قرر يقتل البنتين. الأولى قاومت قبل ما تموت. البنت الثانية قالت له "لأ يا أبي. لأ يا أبي" قسماً إني بكيت وقت ما سمعت الجملة دي في الفلم الوثائقي .
– كريس بعد ما عمل كده. اتعامل عادي. لحد ما أعترف. وقال على كل حاجة. وفي نفس اليوم اللي كان قاتل فيه عائلته .. كان بيأكل بيتزا وبيشرب بيرة وبيكلم السيدة اللي بيحبها عن مستقبلهم !! اتصدمتوا ؟ لأ. ده كمان طلع ناس تدافع عنه وإن شانان هي اللي وصلته لكده. عشان مش بتهتم بنفسها وناس متعاطفة معاه. كريس مخدش إعدام عشان هو اعترف باللي عمله. خد حكم مدى الحياة. عشان يتعذب كل دقيقة بصوت مراته وأولاده اللي قتلهم .
– حسب تقارير رسمية. إن في 3 سيدات بيموتوا في الدقيقة في أمريكا. بتكون كل الجرايم دي بسبب (العنف الأسري والخيانة). من الرجال. دي من أكثر القصص اللي أثرت فيا وأقد إيه الإنسان ممكن يتحول لوحش. وأقد إيه الخيانة فعل قبيح ومقزز وملوش مبرر .
– لأرواحهم الـ///ــلام . ????
أحمد عرفات | كاتب علماني
