منظمات حقوقية

لا لتعدد الزوجات في مصر | الحركة النسوية هي اللي خلتك تدخلي مدرسة وجامعة وتعملي دراسات عليا وتتعيني في

لا لتعدد الزوجات في مصر

<

div dir=”rtl” class=”_5wj-“>الحركة النسوية هي اللي خلتك تدخلي مدرسة وجامعة وتعملي دراسات عليا وتتعيني في الجامعة
النضال النسوي اللي دفعت تمنه الستات دم وتشوية وسجن وحصار واتهام بالجنون ودفعهم للانتحار هو اللي خلى ليكي صوت في الانتخابات عوضا عن انك تترشحي فيها
الصوت اللي بتروحي تديه للي بيشتموا النسويات ده.

هي اللي خلتك تقدري تشتغلي وظايف مرموقه مدفوعة الأجر تضمنلك استقلال مادي بعد عصور طويلة الستات بتشتغل حصريا في البيت والغيط وكخادمات في البيوت بالسخرة
التقدم اللي حصل على كتافهم خلى عندك اختيار انك متتجوزيش وتعيشي في شقه لوحدك ويبقالك اصحاب وتشتغلي وتخرجي بعد سنين كان اختياراتك في الحياة محصور بين الجواز يا الدعارة أو الجنون من العزلة
هم اللي سعوا على تغيير قوانين الاحوال الشخصية وتحسين شروط عقد الزواج الاقرب للعبودية في بلادنا
كانت الست بتلف في المحاكم بالعشر سنين لو عاوزه تتطلق والراجل عايش متجوز ٣ غيرها وبيطلق بكلمه ويرد بكلمه وياخد العيال منها النضال االنسوي المرير وهبلك منفس الخلع
ولسه بنجاهد في سبيل العدل والمساواة
لولا الست نوال السعداوي اللي محدش في البلد دي اتلعن واتهان قدها مكنش بقى في قانون بيحرم تشويه الستات بأسم الختان واللي كان بيعتبر من أصول الدين وخلق عندنا اجيال متعرفش يعني ايه ختان اصلا الحمدلله ولسه الطريق طويل
خلت في قانون ضد الاغتصاب بعد ما كان( ولازال في بعض البلاد ) يعتبر زنى والواحدة تخاف تبلغ لتتحبس وكان بيتم التصالح مع المغتصب بأنه يتجوز الضحية كأن الست من غير غشاء مصيبه وهو لبسها

لولا اول ست شجاعه اتشهر بيها واتشتمت يوم ما طلعت عالتلفزيون ولا حطت صورها عالفيس مكنتيش قدرتي تعملي
زيها وتعملي قناه عاليوتيوب تجيبلك فلوس وتهاجمي فيها النسويات كمان وافاجئك ؟

ولا تسافري ولا تلبسي بنطلون ولا صندل مفتوح حتى

كل تفصيلة فرقت في حياتنا من عصر الجواري والستات اللي بتتباع وتتشرى ومن بيت ابوها لبيت جوزها للقبر
دي مجتش كده ولا كان ممكن تحصلي عليها بدون جهود اللي ليل نهار تلعنيهم دول أحنا بندين بالفضل لكل أمرأة شجاعة غامرت واستحملت واقتحمت مجال محتكره الذكور وطالبت بالمساواة

وافتكري كويس اوي أنه حتى لو هم بيطالبوا بحقوق بتعتبريها أوڤر أو مخالفه لدينك ولعقيدتك

انهم عالاقل بيدوكي حرية الاختيار و انك تقدري تتنازلي عنها

لكن يوم ما يسكتوا ويتهزموا مش هتلاقي ابسط حقوقك اللي بتعتبريها بديهيات

اترك رد

زر الذهاب إلى الأعلى