من يوم مادخلت الفيس وأنا محسود على أصدقائى، والأعداء لما بيخشوا ف صراع معايا بيهاجموا الأصدقاء أكتر من هجومهم عليا، لأنهم شايفين إنى مسنود عليهم وهما بيدافعوا عنى ضد الجميع أيا كان مين.
كم التهنئة بعيد ميلادى ع الصفحة والخاص والفون كان غير عادى، خصوصا إنى السنة اللى فاتت يوم 6 أكتوبر كنت ف العناية المركزة، والسنة اللى قبلها كنت فى المعتقل، وتقريبا كنت نسيت هذا الطوفان من الحب اللى بيخلينى دوما حاسس إنى مقصر فى حقهم .
الطريف إن الساعة 12 بالليل امبارح جالى بعض الأصدقاء وعاملين حفلة مفاجأة، وجايبين معاهم التورتة والجاتوه والمشاريب، وعايز بس أقولهم إنى مادقتش منها حاجة لأنهم باسم الصليب لحسوها وسابوا الأطباق والكبايات عشان أنضفها.
الأغرب إنى كنت وسط 35 إخوانى وسلفى وخلايا تفجيرية وأتباع دواعش العراق، وعارفين إنى علمانى وعلمانى دى يعنى كافر خصوصا إنى بصلى وانا قاعد ومن غير وضوء وأحيانا عكس القبلة، وكمان بشرب سجاير، يعنى 34 واحد الإغتيال عندهم زى شكة الدبوس، ويوم 5 أكتوبر الساعة 12 بالليل لقيتهم طفوا النور- ودى مشكلة لأن الزرار من برة- وداخلين عليا يغنوا أغنية عيد الميلاد- بالإنجليزى- ومعاهم قطعة ” كب كيك” وفيها شمعة، وأستضفت العنبر كله ع البرش بتاعى، والكل بيهنى بحرارة، وأكلت الكيكة وصبحى اللى معايا دة كان مخبى لى دكر بط كلناه لوحدينا بعد العنبر مانام………. الواحد شكله هايتحسر على أيام السجن
للأصدقاء اللى بيغمرونى بكرمهم ودفء حبهم خصوصا فى الأوقات الصعبة، ربنا يخليكو ليا ومايحرمنيش منكم……………متشكر جدا.
يمكنك دعم الموقع من هنا
مؤسسة ندى لحماية الفتيات
تنعاد عليك بالخير و أنا و أنت محققين إللي في بالي وبالك
عقبال مليون سنة صحة وسعادة
كل سنة وانت طيب عقبال الف سنة
عيد ميلاد سعيد والي منتهي الايام يا ورقة بن نوفل أسقف بني ساعدة
كل سنة وانت طيب ياباشا دوام الصحة والعافية 🎊🎂🎁🎊💗
كل سنة وحضرتك طيب وبالف خير وسعادة
كل سنه وحضرتك طيب وبخير
كل عام وانت بالف خير يا امبراطور المعرفة
كل سنة وحضرتك طيب
كل سنه وانت طيب يا كبير💖💖💖
كل سنه وانتي طيب وبخير وسعاده ويا رب العمر كله وانت في اتم صحه واحسن حال وعقبال 💯 سنه ياعمهم
تستحق ماهو أكثر…
كل سنه وانت طيب يا مولانا…..
منور دايماً الدنيا ياكبيرنا
كل لحظه وانت طيب يا نجم . وعقبال اي عدد من السنين تتمناه انت وحدك لا شريك لك. والصحه والسعاده للعظماء منا وانت على رأس الكل ولتباركك السماء عندما نصلي صلاة الاستسقاء فتهطل بخيراتها عليك مع ماء المطر
صباحك جميل صديقي الأجمل
بحاول اقلد اسلوبك في السرد هههههههه
لكن هيهات
كل سنه وانت طيب حبيبي
كل سنة وانت طيب وبصحة وسعادة
كل سنه و انت طيب
كل لحظه وحضرتك طيب وبخير وسعادة
كل سنة وانت طيب وبخير وسلام مع دوام الصحة والعافية 🎂🌹
كل سنه وحضرتك طيب
ربنا معاك ويعوضك السنين اللى أكلها الجراد
ملحوظة أعياد الميلاد دى بدعة
و انشالله ايامك كلها طيبة
كل سنة وانت طيب
كل سنة وانت طيب يا كبير
انت قريب من الجميع والجميع بيحبك
ربنا يديك الصحة
كل سنة و حضرتك طيب يا أستاذ محمد ، العمر كله بصحة و بخير !
كل السنين وانت بكل الصحه والخير يا غالى
العمر الطويل يا رب
كل سنه وحضرتك بخير وسعادة
كل سنه وحضرتك طيب
كل عام وانت بخير وصحه وسعاده وعقبال ١٠٠ سنه
كل سنة وحضرتك طيب وبخير وصحه وسعاده يارب
كل سنه وانت طيب وبخير ،🌹🌹🌹🌹
عيد النصر ❣️❣️❣️❣️❣️❣️
كل عام وانت بخير وسعادة وربنا يدوم المحبة وكل اصدقائك
هابي نيو يييير بالعربي ياكبير
كل سنه وانت طيب وبخير عقبال مليون سنه حلوه يا مولانا
آه … قول كده دا إنت داخل على طمع بقا يا أستاذنا ،، دكر بط إيه اللى إنت مستنيه مننا ،، إحنا آخرنا ساندويش فلافل من أبو 5 جنيه أو شقة فول إحنا لاقيين ناكل ؟!!!… لأ بقولك إيه السجن أحسن .. كل سنه وإنت طيب تانى
كل سنة وحضرتك طيب وبخير وصحه وسعاده وعقبال مائة سنة وانت فرحان ببناتك وانشالله باحفادك
كل سنه وانت طيب يا راجل يا طيب….
كل سنة وانت بخير وصحة وعافية عشان محتاجينها يامولانا الأيام الجاية ..
كل سنة وانت طيب