قضايا المرأة

من المُلاحظ جداً ارتفاع نسب الطلاق مش بس في مصر ولكن المشكلة منتشرة في دول كتير …


من المُلاحظ جداً ارتفاع نسب الطلاق مش بس في مصر ولكن المشكلة منتشرة في دول كتير ودا نتيجة لأسباب كتير جداً منها الاقتصادية ومنها عدم تفاهم الزوجين واتفاقهم وإلى آخره… الموضوع بيبقى مشكلة أكبر لو في أطفال؛ وقتها بيبقوا ضحايا وبيلاقوا نفسهم في مشاكل مش اددها خالص! ولكن ملهمش أي ذنب الأطفال يدفعوا تمن انفصال والديهم، يعني طفل بريء عنده حق التعليم والتربية عادي زي أي طفل تاني، ليه يتحاسب بذنب مارتكبهوش؟! ويتعامل على إنه موصوم ومرتكب جريمة يفضل يدفع تمنها طول حياته!

للأسف الشديد دي مشكلة بيقابلها اطفال كتير في مجتمعنا؛ وصمة عار انفصال والديه، وبيتم ارجاع أي سلوك أو تصرف من الطفل دا إلى انفصال والديه، الطفل شقي شوية في المدرسة أو في النادي فعشان أهله منفصلين، الطفل اتخانق مع حد من زمايله أه عشان عنده ظروف باباه ومامته فسلوكه مش تمام، الطفل مستواه دراسياً أو رياضياً مش أحسن حاجة فعشان البيت مش مستقر، حتى لو الطفل في حالة سكوت وفي حاله فبسبب انفصال والديه! للأسف كل حاجة بيعملها الطفل حتلف تلف وترجع انه بسبب عدم استقرار والديه!

المفروض المؤسسات التعليمية أو أي مكان الطفل بيتلقى فيه محتوى تعليمي أو بيتعامل فيه مع أشخاص مسئولين عنه عليه مسئولية احتواء أي طفل مش بس الطفل اللي عنده ظروف انفصال والديه، المفروض يمدوا يد العون بدل وصم الطفل وعقابه بجريمة ملوش يد فيها ومعاملته على انه مثل بقية الاطفال وتوجيهه بالشكل اللي المفروض يحصل!

#الأطفال #المؤسسات_التعليمية #سوبروومن


يمكنك دعم الموقع من هنا
مؤسسة ندى لحماية الفتيات

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى