قضايا المرأة

مناصرة حقوق المراءة في الاردن | الفيمينيزم -النسوية-:

من مبادئ الفيمينيزم {كرامة٫حرية٫مساواة}
اي استرجاع كرامة و حرية المرأة في تقرير مصيرها، حرية المرأة في الإختيار التفكير، حرية و حق المرأة في العيش كإنسان طبيعي مثلها مثل الرجل….
و المساواة، ليست كما يفهمها معارضيها، ليست تبادل الأدوار البيولوجية، و ليست تبادل السلطة، البعض فاهمين بلي المساواة تعني الراجل يولي يقعد فالدار و المرأة تخدم برا ، فاهمينها بلي المرأة تولي تتحكم فالرجل خطأ ????
المساواة تعني المساواة فالحقوق و الواجبات، المساواة فالمكانة الإجتماعية السياسية الإقتصادية..
بالمساواة تتحطم فكرة "السلطة" و "التحكم" و "الحڨرة" و "الطاعة" ،واحد مايحكم في واحد، واحد مايطيع واحد، كاين حاجة وسمها النقاش و التفاهم .
المساواة في الحياة الزوجية، يعني يتقاسمو الحياة 50%50% ، في زوج لازم يخدمو و يصرفو على الدار، في زوج لازم يقوموا بالأعمال المنزلية مع بعضاهم، و تربية الأولاد مسؤوليتهم في زوج = هذي هي العلاقة الصحية بين زوجين، من غير هذا، رايح طرف يعفس طرف، و دائما ماتكون المرأة هي الضحية و ذلك لعدة اسباب راكم تعرفوها.
بالمساواة تولي المرأة هي سيدة قراراتها و حياتها واحد ما عندو الحق يدخل في امورها الخاصة و يلعبها بلي هو يعرف صلاحها خير منها .
المساواة في القانون، يعني المساواة في الميراث و الشهادة، اذا كنتي مـ///ــلمة تقدري تتنازلي بنصف حصتك من الورث و تقدميها لخاوتك الذكور، و تقدري تدي صحبتك تشهد معاك فالبلدية او المحكمة شيئ عادي حدا نتوما برك مكبرين الحالة و رجعتونا نحاربو الدين و مانعرف واش، طبقي دينك شكون راه شادك؟
و الزواج من غير مـ///ــلم ، عزيزتي المـ///ــلمة واحد ماجا قالك اتزوجي بواحد ماشي مـ///ــلم بالسيف.
قضية الحجاب، الفيمينيزم يحارب [الحجاب الإجباري] و يحارب [تحجيب الفتيات الصغيرات] ، لا دخل لنا فالمراة التي تحجبت بإرادتها انتي حرة بما ترتدين.
ايضا تقنين الإجهاض، لانريد الخوض في نقاشات دينية، نتي ضد الإجهاض، ماتجهضيش، اما ماتوقفيش ضد هاذيك لي راح يقتلوها دارهم، ماتوقفيش ضد هاذيك لي حاوزوها دارهم و صابت روحها فالشارع وين تروح؟ باينة تتجه للملاهي، راح تلقا والديها فالشارع؟، ماتوقفيش ضد هاذيك لي حملت بالخطا و مراهيش حابة تجيب طفل لهذا المجتمع لي يسميه لقيط و ولد حرام مدى الحياة، ماتجهضيش و عسي روحك نتي فقط ماتفرضيش قناعاتك على الأخريات…يتبع


مقالات ذات صلة

اترك رد

زر الذهاب إلى الأعلى