غضب على مواقع التواصل الاجتماعي من (محمد صلاح) لعدم حضوره حفل الاتحاد الأفريقي في مصر
الغضب ده نتيجة عدم حضوره الحفل المرشح لجائزة أفضل لاعب في أفريقيا أو على الأقل دعم زميله في الفريق (ساديو ماني) اللي فاز
وده حقيقة وضع جديد اللي كان بيلاقي دعم كبير من الجماهير المصرية بحكم شعبيته بعد حصوله على هداف الدوري الانجليزي موسمين متتاليين وصعوده بالمنتخب المصري لكاس العالم بعد 28 سنة كاملين من أخر صعود
بس الحقيقة إن اللي بيحصل ده شيء جيد جدًا بيأكد إن مفيش حد فوق النقد وإن القيم والمبادئ أهم من الأشخاص
وكمان بتأكد على نقطة أهم وهي إن الناس بطبيعتهم الإنسانية بيرتبطوا بالقيم المعنوية ويتعلقوا بيها قيم زي (المثابرة والنجاح والعزيمة والاصرار) اللي كان بيمثلها (محمد صلاح) في وقت من الأوقات
وإنهم بيرفضوا برده بناءً على القيم والمبادئ اللي أخل بيها (محمد صلاح) زي (الدعم والمساندة والجدعنة والتواضع)
وبان ده جدًا في احترامهم لـ(ماني) بسبب تقديمه نموذج للقيم دي في حفل السنة اللي فاتت فالسنغال لما صلاح فاز بالجايزة بعد ما كان متهم إنه مبيباصيش لصلاح (الأنانية)
باختصار ..
القيمة هي الأصل والأساس في كل علاقاتنا وتوجهتنا العاطفية
#عقلاني
مقالات ذات صلة
-
-
-
-
-
-
-
-
