القمنى شخص طيب جدا، ورغم عداواته الكتيرة فكريا، إلا إنه ع المستوى الشخصى عمره ماكره الناس دى، هو بيحتقر فكرهم مش شخصهم، ومكالمة تليفون أو مقابلة بالصدفة تنسيه عداوة سنين، هو طبعه كدة فلاح قدرى متسامح بلا حدود.
وعمرى ماشفته متعصب إلا مرة واحدة، كنا فى العربية ومعانا مثقفة مصرية أصدرت كتاب وطلعت مرة ف التليفزيون وطردوها من البرنامج، والنقاش كان حامى بس بألفاظ مهذبة مغلفة بالحب، إلى إن وقعت أختنا المسكينة ف المحظور وقالت له: على كل حال مهما إختلفنا فى الرأى، فاحنا الاتنين إستفدنا من بعض فى الفكر………..
عنها يامولانا وتحول الراجل المهذب الطيب إلى أسد مفترس، إستفدنا إيه؟ إنتى بتحطى راسك براسى وتقولى ع العبط اللى طرشتيه دة فكر، دة انتى متخلفة وكتابك معاق فكريا، وكل اللى بتكتبيه وتنطقيه رفس بهايم مش عقل مثقف، إوعى ف يوم من الأيام تقارنى فكرك بفكرى ولا تساوى الروس، فاهمة ؟
هنا يا جماعة يصح التعالى والإفتخار، يعنى يبقى عار عليك لو تفاخرت بأشياء قدرية زى الصحة والأصل والشكل والعربية والفيلا والمرتب، دى كلها القدر هو سببها مش سيادتك بس، ولكن الأخلاق والثقافة إنت اللى خالقهم رغما عن أنف القدر، وهنا من حقك تفتخر بخلقك اللى خلقته من العدم وتتعالى بيه على العالمين، ودة تعالى محمود يخلى الغيران والكاره يحاول يوصل لنفس مكانتك.
والأهم يا جماعة إن الصراع الفكرى يبقى بين الأنداد، هل تتخيل حمو بيكا مثلا ولو أصبح مطرب العرب الأول وثروته بعشرات الملايين ومعجبينه بمئات الملايين، هل يمكن مقارنته ب إبراهيم عيسى مثلا؟
هى أشياء لا تشترى ………………
يمكنك دعم الموقع من هنا
مؤسسة ندى لحماية الفتيات
لا توجد ادني مقارنات ….ويجعلنا من اصحاب الفكر المحمود….التميز له ثمن غال
حمو بيكا /…..ابراهيم عيسي
واضح ان
الخبث
بمستوي سلاطه اللسان
……….
اضرب ولا يهمك 🤣🤣🤣🤣🤣
الله الله اسمح لى اقتبس منها
رحم الله أستاذنا القمنى الشعلة المنيرة 🙏🪴🙏
السلام على روح المفكر العظيم الدكتور سيد القمني….
🌺🌺🌺🌺🌺
أحسنت التعبير، ولا أحسب فعل القمني_ لروحه السلام_الذي ذكرته بمقالك هذا إلا من قبيل الاعتزاز والثقة بالذات والفكروليس هو الكبرالمذموم، لأن المفكربقدر مايجب أن يكون منفتحا ومرنا، يجب عليه في نفس الوقت أن يحترم جهده وإبداعه
هي مين اللي طردها القمني ؟؟؟؟
تحيه لك ولروحه الطاهره
لروح الاستاذ القمني السلام
مين المثقفة اللى طردوها من برنامج تليفزيونى
هل يوجد قدر يا استاذ محمد
نهى سالم..سطحية جدا وتصادمية جدا
هو عظيم … و انت ايضا ❤️
الله يرحمه
مكانش لة لزوم الانفعال،تكفى كلمة مهذبة و مضمون الرسالة كلة يوصل
كان انسان عظيم بمعني الكلمه الله يرحمه .
عظماء الفكر
هو ينفع أصلا نقارن النيل ببير بترول يامولانا طبعا المقارنة ظالمة.
السلام لروحه…..وعجبي….
🌹🌹
لروحه السلام
ياعم ارحمنا مكنتش صورة هتقرفنا بيها
السلام لروحة، كان بارعآ في كتاباته❤️❤️
انا شاكك تكون الدكتوره الي طردتها ريهام سعيد
والكتاب لماذه خلعت الحجاب تقريبا 😀🤔