كتّاب

للمرة المليون ياجماعة، كل التاريخ المصرى اللى انتوا عارفينه،…


للمرة المليون ياجماعة، كل التاريخ المصرى اللى انتوا عارفينه، مزور وكاذب وكذوب ولا يلزمنا بشئ لأنه مكتوب من أعدائنا البدو، أو من الجبناء المصريين الموالين للبدو لو كانوا مسلمين، أو الخائفين من البدو لو كانوا مسيحيين، ومالويس عوض ببعيد.
يعنى صفات أعدل الخلق وأشرف الخلق وأجدع الخلق، دى ماتلزمناش ولا بجوز سجاير فرط، عارف لما الشرشورة تشد خصلة من شعرها وتحلف: وحياة دول اللى مانزلوا على كتف راجل غير ف الحلال؟ وهى مخبية عشيق ف الدولاب وتلاتة تحت السرير، هما دول أشرافهم وأعدلهم، طب ليه ؟
عمر بن الخطاب أعدل الخلق، إفتح بس كتاب المسلم بن عبد الحكم فتوح مصر، وشوف أول رسالة ليه للوالى عمرو بن العاص، بيوصيه يرفد القبط من وظايفهم، ويعلمهم بعلامة على قفاهم، عمرو رد وقال دى ناس بتعرف تحسب وتكتب والدولة محتاجة لخبرتهم، رد عليه: إعتبرهم ماتوا، دى ناس ربنا أذلهم فى القرآن إزاى احنا كمسلمين نعزهم ونخليهم موظفين أو أصحاب أرض أو حتى عندهم شرف؟ بيوتهم وكنايسهم تتفتح لأسيادهم المسلمين ف أى وقت.!!!
شوية والجمال خدت خيرات مصر اللى اولها ف مصر وآخرها ف المدينة، قال له طب نحفر خليج يوصل خيرات مصر بالسفن أسرع، وحصل فعلا ………..
شوية وعمرو إتأخر ف دفع الخراج أو الجزية اللى كانت 12 مليون دينار، عمر بعت له وقال له أنا عارف إنك حرامى وهابعت لك واحد ياخد نص فلوسك لأنها مسروقة من المصريين، مش يرجعها تانى لأصحابها، وفعلا الصحابى وصل مصر وقاسم عمرو نص ثروته لدرجة إنه قسم الجزمة وخد فردة وساب له فردة، أماااااااال مش عادل بقى ؟
طب تعالى للجزية السمحة، ودى مصيبة عايزة بوست لوحده تفوق المسلم قبل المسيحى……….


يمكنك دعم الموقع من هنا
مؤسسة ندى لحماية الفتيات

مقالات ذات صلة

‫28 تعليقات

  1. ماهو التاريخ قديما كان يكتب بهذا الشكل يا شومان، فبيحصل الربط بين تصور المؤرخ المنحاز اساسا مذهبيا ودينيا وبين الحقيقة،، مسألة النقد التاريخى ده هى بنت الحداثة اتت مع فلسفات العقل وبزوغ فكرة الذات وعلاقتها بالموضوع ودى عبقرية ديكارت اساسا ثم تطورها مع اسبينوزا ثم سك فلسفة التاريخ مع فولتير ثم التخصص كعلم فيما بعد قائم على المقارنة والتقصى والتحقق والنقد بالاضافة الى علم النفس والإجتماع،،، وهى ديه اصلا الازمة اللى احنا فيها ياشومان، عدم الفصل بين الدين كمطلق وتحققات فى السياقات التاريخية والزمانية وتصورات البشر عنه.

  2. مهما كان فهو تاريخ من الروايات والأحاديث والأحداث معظم ذلك فتنه وكذب وتضليل التاريخ للمفلس والمضلل وصاحب فتنه التاريخ هو تاريخ عمرك يلي شفاه ومارسته وليس القديم الله اعلم بمصداقيته إلا بدليل آثار أو كتاب يناسب المتحدث عنه…

  3. صدقنى يا جنرال من و انا فى اعدادى كان جوايا احساس رافض التاريخ اللى بندرسة فى المدرسة و ذاد اكتر و انا فى ثانوى و نضج احساسى اكتر و انى ادور على التاريخ الحقيقى بعد عمر ال 35 سنة و على فكرة احنا المسيحين فينا ناس اكتر بتدور فى كتب التاريخ و الاديان عن اخواتى المسلمين

  4. كم قسى الظلم عليك كم سعى الموت اليك كم صدمت باضهادات وتعذيب وضنك 😥😥😥
    (بيت شعر للبابا شنوده عن حال الكنيسة والشعب القبطى)

  5. يا أستاذ شومان الكنيسة المصرية مكانتش خايفة من البدو بالعكس كانت خايفة من المصريين لأن أغلب المصريين كانوا على ديانات أجدادنا قدماء المصريين و لما العرب و الكنيسة عقدوا صفقة مع بعض المصريين في الجنوب دخلوا الاسلام انتقاما من الكنيسه- الكنيسة اتفقت مع العرب في صفقة و الاذلال ده جه بعدها بأزمان طويله و الإذلال يخص الكنيسة وحدها ميخصناش كمصريين لأننا دمنا حامي عن العرب و عن الكنيسة و اتباعها. مفيش في الشرق الأوسط و أفريقيا بالكامل تأريخ دقيق و لا علمي كلها تأريخات طائفية بتتغير مع الزمن – كتابة التاريخ لها شروط علميه و تاريخنا كمصر لازم ناخده من مصادر علمية و دولية مش من عند ابو القعقاع وام معاذ و شلبية و الهبل الدارج ده.

  6. و من أقوال من كان يتداوى بماء الرجال أى بن الحطاب كان يقول عمار المدينة في خراب مصر و عمار مصر في خراب المدينة و قد حدث بفضل شوال الرز ترك آل شيخ

اترك رد

زر الذهاب إلى الأعلى