كتّاب

فى بدايات الفيس كان مختلف تماما عن دلوقتى، كان أكثر هدوءا…


فى بدايات الفيس كان مختلف تماما عن دلوقتى، كان أكثر هدوءا وثقافة، وصفحتى الغير شهيرة كان عليها منى هانم بنت جمال عبد الناصر، السيدة سها عرفات حرم الرئيس ياسر عرفات، د أسامة الباز وحرمه اللى هى مذيعة أعتقد- وهى اللى طلبت الصداقة لما كتبت بوست وقلت إنى دخلت المطعم الدوار فى جراند حياة وسلمت على د أسامة الباز وقعدت ف ترابيزتى، بس الحقيقة الراجل صوته مزعج جدا ومش عارفين نقعد منه، بعتت لى طلب صداقة وقالت لى د أسامة قاعد جنبى وقريت له البوست، بيضحك جدا على كلامك وبيسلم عليك- كان على صفحتى المرحوم العظيم جمال البنا العلمانى وشقيق المجرم حسن البنا، سيد القمنى، طارق حجى، مش فاكر مين تانى بس عظماء كتير مشاهير وعظماء مجهولين زى المرحوم أشرف يسى مثلا بابا الكنيسة المصرية ع الفيس.
أيامها كنت بكتب فى مجلة الملحدين العرب اللى أصدرها منتدى بنفس الإسم، والحقيقة المنتدى- اتقفل أظن- كان قمة فى الثقافة الراقية ومنه ومن الأعضاء الكرام إتعلمت ما لم أتعلمه فى حياتى، والمجلة لسة بتصدر وكل عدد بتنزل لى مقال من مقالاتى القديمة.
كل المقدمة دى عشان أقول لكم إن المنتدى دة ترجم المدراشيم اليهودى والتلمود، أو بمعنى أدق أجزاء كتيرة منه عرفتنا أد إيه إحنا بنحكم بجهل على المقدسات طالما مش دارسين أساطير، لأن المدراش – يعنى التعليم- وجمعه مدراشيم هو اللى إقتبس منه النبى محمد كل قصص القرآن حرفيا.
للأسف أوراقى والكمبيوتر بتاعى باللى فيه فى أمن الدولة، لو حد كان معاصر للفترة دى ولسة عنده المادة ياريت يتكرم ويبعتهالى………
ملحوظة: ماحدش ترجم التلمود اللى هو أكتر من تلاتين مجلد ضخم للعربية، وطبعا ماحدش يسمع عن المدراش، لكن من عشرين سنة تقريبا الحاج عبد المنعم صاحب مكتبة النافذة طلب منى أترجم له أجزاء من التلمود، ولأن العبرى القديم مختلف عن العبرى بتاعنا، جبت له متخصص ودارس وكنت سعيد جدا بالمساهمة الثقافية دى، بس فوجئت بعد سنين إنه ترجم الجزء الخاص بالمواريث فقط.!!!



يمكنك دعم الموقع من هنا
مؤسسة ندى لحماية الفتيات

مقالات ذات صلة

‫12 تعليقات

اترك رد

زر الذهاب إلى الأعلى