كتّاب

عن السياحة فى بر مصر ……………….

عن السياحة فى بر مصر ……………….


عن السياحة فى بر مصر …………….
“1”

زمان فى مصر كان اللورد كتشنر رافض تعليم المصريين، وشايف إن المصرى لايصلح إلا للزراعة وبس، ومش هانناقش الفكرة دى لكن هانضيف على الزراعة شغلانة تانية مهمة لينا جدا وهى شغلانة السياحة، ودة تخصصى اللى ماحدش يفتى فيه وأنا موجود ………….
نعرف الأول إن كل خمس سياح بيدخلوا البلد بيوفروا وظيفة لمواطن مصرى بطريقة مباشرة أو غير مباشرة، وطبعا كلنا عارفين أن معظم آثار العالم موجودة ف مصر، ونعرف ثالثا إن 30 % من السياحة المصرية مصدرها اليهود، إما إسرائيليين بيدخلوا فى الأغلب للعب القمار وقضاء الويك إند فى فنادق سعرها تلت سعر فنادق إسرائيل، ومنهم المؤمنين اللى بيحجوا على جبل موسى فى سانت كاترين، وإما عن طريق شركة نيوت هيكيكار اللى بتبيع برنامج سياحى فى العالم مكون من زيارة إيلات، وطابا المصرية، والعقبة الأردنية، والبرنامج طبعا مش حبا فى المصريين، لكن لفقر إسرائيل فى المزارات السياحية، وعلى كل حال السياحة فى إسرائيل بتدخل 3 % فقط من الدخل القومى……………
طب ليه السياحة المصرية ضعيفة جدا مقارنة بأسبانيا مثلا اللى بيزورها 40 مليون سائح سنويا، واحنا أكبر عدد قدرنا نحققه كان 14 مليون سائح فقط ؟
ونضيف هنا إن السياحة ليها درجات، عندك السياحة ” الفقرانة” زى سياحة الروس والأفارقة مثلا، دى سياحة كتير من الدول مش بترحب بيها لأنهم ناس عايزة تتفسح وتلف العالم بإمكانيات مادية ضعيفة، والليالى السياحية بتاعتهم مش بتحقق مردود معقول، بس هو مجرد منظر وتسكين غرف بدلا من البطالة، وعندك سياحة الكعب العالى للألمان مثلا والأمريكان والإنجليز وعرب الخليج، ودول ناس معاها فلوس وبتصرف فى الليلة الواحدة مايوازى 100 سائح روسى أو بولندى …………
طب ليه السياحة المصرية دايما بعافية ؟
نحكى مواقف شخصة ليا فى عالم السياحة ………………………..




يمكنك دعم الموقع من هنا
مؤسسة ندى لحماية الفتيات

اترك رد

زر الذهاب إلى الأعلى