قلنا إن المماليك ” الخيخة” و ” الزيزة” من ولاد الناس هربت من…

قلنا إن المماليك ” الخيخة” و ” الزيزة” من ولاد الناس هربت من القاهرة للأرياف بعد مذابح محمد على وإبراهيم باشا للماليك، وكان منهم قبيلتى السعودى وشنب، والنهاردة هانحكى عن العرب اللى كانوا السبب فى هجرة قبيلة شومان من إخميم للعياط، وقبل مانحكى لكم قصة العرب فى مصر، عايز أحكى لكم موقف شخصى معاهم.
كنا فى زمن حسنى مبارك ودخلت ف عركة مع البدو، وفوجئت بدخولهم صفحتى بالآف ويمكن عشرات الآلاف وهما بيشتمونى باعتبارى ” فلاح”، ودى إهانة المفروض، وأنا تجاوزت كل الخطوط الحمرا وفتحت عليهم النار من الوثائق والكتب ورسائل الدكتوراه، وحتى الهجوم على مقدساتهم ورموزهم، وبدأوا يدخلوا على صفحات الأصدقاء يهددوهم بالقتل لو فضلوا واقفين معايا ف الحرب ضدهم، ولأن العركة كانت طويلة على مدى شهور، وبوستاتى منشورة على الجروبات بتاعتهم يوميا، إجتمع ” مجلس عمد ومشايخ جنوب سينا”، ومعاهم عضو المجلس بتاعهم، وراحوا لمحافظ الجنوب وقدموا شكوى رسمية لرئيس الجمهورية، ورئيس الوزراء، والمخابرات الحربية، بيتهمونى إنى بعمل فتنة بين أبناء الوطن الواحد، وإنى يهودى إسمه شيمون.!!!
الموقف التانى لما أخدنا عزبة فى بنى سويف إستصلاح، أخدنا الفدان من الدولة ب ألفين جنيه، وفجأة ينزل البدو ويقولوا دى أرض أجدادنا مش هانتنازل عنها إلا ب 25 ألف جنيه للفدان الواحد، وجبنا قوات بوليس وجبنا كبار الجيش، وجبنا أكتر من الجيش والبوليس وأخطر منهم، وهما ولا فارق معاهم نهائى، لحد مارجالة العيلة غضبوا مننا إننا بقينا أفندية ونسينا تاريخنا، واتجمع رجال وشباب الشومانية وطلعوا ع العزبة بالآلى لمدة شهور، وعملوا حظر تجول حوالين العزبة من المغرب للفجر، واللى يقرب هايموت، وتلات شهور واحنا سهرانين نضرب نار ليلاتى وقلنا إننا يانمشى البدو من المنطقة، يايدفعولنا الجزية، وفى النهاية حصلت قعدة صلح بشرط كل واحد يلزم مصلحته ومايتعرضش للتانى، وكانت أول مرة على ما أظن تخرج البدو من العركة خسرانة، والأمور مستقرة من أكتر من عشر سنين للنهاردة.
وأخيرا اللى سافر منكم جنوب سينا، هيلاقى فى نص المسافة مدينة كاملة إسمها ” نخل”، عمارات وشوارع وفندق ومستشفى وجامع ومجلس محلى ومدرسة ومحلات أكل وشرب وتجار مخدرات وسلاح، يعنى مدينة حية سهرانة للصبح، الدولة عملتها أيام مبارك لتوطين البدو، وكل بدوى أخد شقة وقفلها ورجع تانى للصحرا والخيمة والمعزة والجمل، ومنتظر سرقة يسرقها وهو بيسب ويلعن ف مصر والمصريين، ……… طب نرجع للبداية: مين هما البدو الأعراب؟

البدو هما اللى احتلوا مصر مع عمرو بن العاص، وكانوا ف البداية أقل من تلات آلاف بدوى، وينضم ليهم تلات آلاف تانيين من بدو سينا الخونة من قمبيز الفارسى حتى بن لادن السعودى، ومعاهم فصيل تالت إسمه العرب المطوعة، دول تقدر تقول عنهم خدامين للجيش وحرامية حسب الظروف، وطبعا الجيش زاد كتير جدا، وحامية الأسكندرية وحدها كانت 25 ألف بدوى بتتغير كل تلات شهور، وكل والى يجيب معاه قبيلته اللى تتوطن أرض العسل واللبن وترفض الرجوع، وبعد قرن من الزمن بدأ الولاه فى إجتذاب قبائل يمنية لتعمل بالزراعة بدلا من القبط، وجاءت قبيلة قيس أول العرب المزارعين، وبعد ثلاثة قرون كانت مصر قد خربت، وتوقفت مرتبات الجند فى مصر الذين كانوا يشكلون الأرستقراطية العربية فى المحروسة، وانقسموا إلى ثلاث فئات:
الأول : العرب المقاتلين أو الرعاة
الثانى: العرب المزارعين
الثالث: العرب المزارعين المستقرين ………….

يمكنك دعم الموقع من هنا
مؤسسة ندى لحماية الفتيات