مفكرون

صباح الخير استاذ شريف…


صباح الخير استاذ شريف
انا قريت بوست حضرتك عن الحجاب
انا من الشرقية ومن….. كمان فلك ان تتخيل
انا اهلي غصبوني علي الحجاب في ٣ ثانوي بحجة الناس وافقتهم علشان كده كده مكنتش بخرج من البيت لان دروسي كانت في البيت
الهم بعد ما دخلت الكلية قبل ما اروح قولتلهم هقلع الطرحة فضلوا يتخانقوا معايا شوية فنزلت اول يوم بيها كرهت نفسي حرفيا مكنتش راضية عن نفسي بنسبة ٥٠٪ حتي بعدها حلفت ان مش هنزل الا بشعري وفعلا نزلت بشعري غصب عنهم
من البيت قدامهم وسيبتهم يتخانقوا براحتهم
فضلوا كل ما انزل الكلية يتخانقوا وفي وقت بابا ضربني بس ما همنيش نهائي
واوقات منع المصروف بس ساعتها حلفت اني ما هنزل الكليةالا بشعري تاني
وفضلت شهر ما اروحش الكلية بتاعتي
واكتر كمان لحد ما وقفت قصادهم كلهم حتي عمي
وقولتلهم كلامكم ميفرقش معايا وابتديت اكتب علي صفحتي ان الحجاب مش فرض واتهاجمت بطريقة بشعة من اهلي واهل خطيبي
وبرده استمريت
لحد ما وافقوا وسابوني اعمل اللي عايزاه علشان شافوا ان كلامهم ملهوش لازمة
بس حاليا همابيقولولي انزل بس بلبيس بالحجاب علشان الناس عندنا مقرفين
بس انا ما بنزلش الا كل فين وفين
ده حتي خالة خطيبي وولادها اللي بيلبسوا بيكيني بيهاجموني وبيقولولي انه فرض
لما هو فرض مش لابسينه ليه
حضرتك احنا هنا في الاقاليم بنتعرض لبلاوي من الناس
كان الله في عوننا

“هذه شهادة من فتاة مصرية شجاعة بعثت لى بهذه الرسالة من نحو عامين ولا زال مسلسل فرض الحجاب بالقهر والارهاب النفسى على اشده.. لكن الغالبية العظمى من الناس ومن الاعلاميين بينكروا هذه الحقيقة وليستهبلوا “

يمكنك دعم الموقع من هنا
مؤسسة ندى لحماية الفتيات

مقالات ذات صلة

‫14 تعليقات

  1. بغض النظر عن فريضة الحجاب من عدمها، على الرغم من اني مؤمن بفرضيته لكن لايجوز أن تجبر النساء على ارتداءه فهو أمر متروك لهن.. لكن ليست قضية الحجاب هي القضية الأولى في مصر الآن هناك الأهم في الأولويات بكثير منها. . يوم ما نبقى دولة متقدمة وقتها الحجاب وغيره مش هيكون بالجبر

  2. Mr Is Lam , would you be kind and and teach me which Surah in the Qur’an mentions the word ” Hijab” and that the ‘ Hijab ” is a ” Fard ” . May be I am blind and could not see that Surah in the Qur’an or may be I have read a spurious copy of the Qur’an . Please let me tell you this : religion or religions must be separated from politics . Those terrorists who are destroying the Egyptian society are destroying it in the name of God .

  3. لازم يااستاذ شريف نطالب بحقنا في حريتنا وكرامتنا …. لازم يكون لينا مسار محدد ونطالب بكل دا … زي مثلا حزب او جمعيه او جريده او حتي موقع علي النت ونتجمع ونثقف الناس ونعلم الستات حقوقهم

  4. مافيش احتمال كمان ان يكون الحجاب لطبقات واسعه طريقه للهروب من مصروفات كوافير و ادوات تجميل باهظة التكلفه فعلا . غاليه بجنون بجد.

  5. اه طبعا بالقهر انا عندي بنت قريبتي عايزه تقلع الحجاب أبوها رافض تماما والمفاجأة أن أبوها اتجوز أمها مكنتش محجبه وكنت حاضر فرح أبوها ههههههههه

  6. انا لحد ما خلصت جامعه سنه ٢٠٠٠ ماكنش فيه حاجة اسمها اجبار على الحجاب و كانت نسبه المحجبات صغيره جدا ، المشكله ظهرت مع اتنشار الدعاه الجدد والبرامج والقنوات الدينيه ابتداء من سنه ٢٠٠١ وكان التركيز كله على فرضية الحجاب انا نفسي اتحجبت بسبب عمرو خالد ، بس عمري ما تخيلت ان فيه اجبار من الاهل بالشكل ده

اترك رد

زر الذهاب إلى الأعلى