قضايا المرأة

“أنا مش كويسة، انت متضايق؟” عرض مسلسل #الهرشة_السابعة التجربة الأولى للحمل في ع…


“أنا مش كويسة، انت متضايق؟”
عرض مسلسل #الهرشة_السابعة التجربة الأولى للحمل في علاقة الزواج بين نادين #أمينة_خليل وآدم #محمد_شاهين بشكل مختلف و بزاوية مهمة قد تكون هذه هي المرة الأولى في عرضها، مرت 10 ل 20 من النساء الحوامل بهذه التجربة وهي الإجهاض التلقائي.

بعد الخبر السعيد تنتهي الحدوتة بحالة إجهاض تلقائي أو مفاجئ دون ترتيب، وتتحول كل مشاعر السعادة والفرح إلى بكاء ونحيب وشعور بالذنب من الأم، بسبب نظرة ترقب من الجميع حول أسباب ما حدث وهل للأم يد فيه، أو كما نسمع المواساة المعتادة (المرة الجاية خدي بالك” وكأنها مخدتش بالها أو قصرت…
المسلسل عرض التجربة بشكل مؤثر جدا وتأثيرها على علاقة الزوج والزوجة فيما بعد وخاصة (الجانب الحميمي أو الجنـــ-سي)، قد تعيش الأم حالة اكتئاب ما بعد الاجهاض بسبب الشعور بالذنب أو فقدان حلم كانت تنتظره وتعلقت به، والأعراض ما بين الحزن الشديد والإحباط، فقدان الوزن وحالات الفزع، والبكاء المستمر وأحيانا يصل إلى التفكير في الانتـ.حار.

وكل ده هيأثر بشكل مباشر على نمط حياة الزوجين، واللي بشكل أساسي تتحمل فيه الزوجة العبء أو الشعور بالمسئولية لاستعادة السعادة الزوجية والألفة الحميمية بينهم لكن لخصت اللي بيدور في دماغ الستات في اللحظة دي جملة نادين “أنا مش كويسة، انت متضايق؟” لأن الستات بتعاني لاستعادة رغبتها الجنـــ-سية وروتين حياتها بعد الإجهاض والتوقف عن التفكير في اللي حصل، ووسط كل الحمل اللي جوة دماغها بتحس بالذنب تجاه جوزها لأنه مش سعيد ومش مبسوط!

تجربة الإجهاض التلقائي بتمر فيها الستات أحيانا بنزيف مفاجئ وده بيخليها تخاف وتربط الأحداث ببعض لما تعيش تجربة حميمية من تاني وتفتكر اللي حصل، كمان شعورها بالذنب تجاه اللي حصل وتفكيرها المستمر بسبب الصورة الذهنية اللي ترسخت عند كتير منا إن الأم مسئولة بشكل ما عن اللي حصل، بتخليها تحس بالذنب كمان لو اتبسطت أو مارست حياتها بشكل عادي. وهنا بيكون دور الزوج أنه عليه يكون متفهم ومتحمل معاها العبء ده، لأن هي بتتحمل الألم الجسدي لوحدها وكمان حمل الصدمة اللي مرت بيها لكن مش عليها أنها تحاول وتدعم وتستعيد النمط السابق لحياتهم سوا لوحدها، وخاصة إن رجالة كتير بتعمل ده من خلال محاولاتهم بشكل مباشر في العلاقة الحميمية أو الجنـــ-سية فقط وهو اللي بيخلي الست تحس بالنفور وتتعقد المشكلة أكتر، لكن الحل هو إن الشريك يسمع ويحتوي ويدي مساحة للقرب والدفء ما بينهم من تاني ويحس بيها وباللي بتمر بيه وتكون إجابته على سؤال نادين مش بس أنه مش متضايق لا أنه معاها وجنبها وقادر يحس بيها ويشاركها أفكارها ويحتوي ألمها وخوفها.

#الهرشة_السابعة
#مرصد_دراما_رمضان
#رمضان٢٠٢٣
#قسم_السينما_والدراما
#الإجهاض_التلقائي


يمكنك دعم الموقع من هنا
مؤسسة ندى لحماية الفتيات

‫2 تعليقات

اترك رد

زر الذهاب إلى الأعلى