حقوقيون

هند قطران | انتحار المناضلة الاشتراكية سارة حجازى فى منفاها فى كندا

هند قطران


انتحار المناضلة الاشتراكية سارة حجازى فى منفاها فى كندا

سارة اتقبض عليها عشان رفعت حتة قماشة ملوّنة فى حفلة اغاني، اتسجنت، وتم الاعتداء عليها، الحكومة معجبهاش ازاي حد مختلف يحاول يعبّر عن نفسه والداخلية والنيابة كانوا خايفين علي قيم المجتمع من حتة قماشة. قيم مجتمع ايه دي اللي حتة قماشة تدمرها، هي قيمكم تافهة أوي كده!

المذيع الأخواني أحمد عطوان حرّض عليها علي شاشة قناة الشرق – الصفحة الرسمية وقنوات الأخوان فى تركيا كانت بتطالب نظام السيسي انه يقبض عليها.

الأخوان بيطالبوا السيسي الانقلابي انه يقبض علي حد! اتفاق جميل من كل الأطراف المعفنة على انهاء حياة بنى ادمة، مرة تانية كل اللي عملته انها حاولت تعبّر عن اختلافها، بغض النظر اختلافها ده عاجبك ولا مش عاجبك، مش ده موضوعنا خالص.

سارة كانت بتحارب علي كل الجبهات، بتحارب الاكتئاب اللعين، بتحارب المجتمع، وبتحارب الغربة والمنفى، كان حقك تتعبي يا سارة، ويارب تكوني مرتاحة اكتر دلوقتي من الحرب المنهكة دي اللي كانت اصعب واعنف من بني ادمة بنقاء روحك.

مع الـ///ــلامة يا رفيقة

دول 3 مقالات كتبتهم سارة فى أوقات مختلفة، بعيد نشرهم لأن يمكن احسن حاجة نقدر نعملها اننا ننشر قصتها وكلامها.

كورونا وأزمة الرأسمالية.. إلى أين يتجه النظام العالمي؟

https://bit.ly/3d1qCKH

في هلاك الطبقة الوسطى تعريف- تحليل ونقد- سرد https://bit.ly/3d44f78

عام على موقعة «الرينبو»: نظام يعتقل، وإـ///ــلاميون يصفّقون

https://bit.ly/2B5WVe8

روابط تخطي الحجب فى التعليقات

تحديث: انا نادرًا ما بعمل كده بس انا قفلت التعليقات لغير الاصدقاء إلي اشعار آخر، الناس عارفة اني مبمسحش تعليقات وبرد علي كل الناس حتي اللي بيشتموني بأقذر الالفاظ لو عندهم وجهه نظر بناقشهم فيها، بس علي الناحية التانية انا حالتي النفسية متسمحليش بالنقاش الحقيقة حاليًا وخصوصًا ف الموضوع ده، والنقاش هو الغرض الوحيد والاساسي لخاصية التعليقات بالنسبة لي.


هند قطران | ناشطة حقوقية

اترك رد

زر الذهاب إلى الأعلى