كتّاب

بوست فى عشق النساء……………………


بوست فى عشق النساء…………………

مش عارف أقولها إزاى والكل هايزعل والكل ملطوط، بس احنا ماعندناش حاجة إسمها جواز فى الإسلام، زى مابيقول صديقنا عادل بك الرملى إن شاب يبقى عنده رغبة قوية، بيروح لشيخ عنده أزمة ماليه، يقول له إدينى بنتك وحياة النبى ” أنكحها” وهاديك جملين، أبوها يقول له لأ البت تسوى أربع جمال، ويرسى الفصال إنه يديله البنت وياخد التلات جمال، لا ورقة ولاعقد ولا أى شئ…….
ولو تلاحظ يا محترم فى عقد أبوك وامك- ولامؤاخذة يعنى- هتلاقى عقد نكاح، كدة تبقى عارفة يا شاطرة إنتى جاية البيت الطاهر دة ليه، للسرير يا أختاه والبيبى دول والرقص بقى والذى منه، طب تطبخ أو تغسل أو تكنس؟ شرعا حرام، هو انت جايب خدامة ولا واحدة ست فاضلة للنكاح؟ طب بعد شوية خلفت، ترضع الواد؟ شرعا باطل، الرضاعة للزوج فقط والواد يروح يطفح عند مرضعة، دة مش شغلك يا أختاه، إنتى جاية ليه يا ماما؟ للنكاح، شاطرة، أدامى يا طاهرة ع السرير……….
لو مدينا الخط على إستقامته والمزة كبرت ودخلت ف الأربعين وبقت مفاصلها تعبانة والديسك بعافية شوية وعايزة جرار زراعى يحرت ف سريرها، سنة عن سيدنا النبى تسرحها، خلاص بقى إنتى بقيتى لحم جملى يا بركة، روحى لأهلك مش ناقصين أرف، هاروح اشترى طفلة فى سنة تالتة أول ابتدائى واعلمها الجهاد فى السرير، ودى يادوب تشم النار تستوى، ماانتى عارفة يااختاه إنك مالكيش تلاتين لازمة عندنا غير ف السرير، تنزلى بقى من سريرك تبقى عورة وناقصة عقل ودين وأكثر أهل النار وحبائل الشيطان، ومافيش ف الكون كله شريفة زى ماقال الإمام على ” وأما الشريفات منهن فهن المعدومات”، وأحسن لك تموتى بقى، لأن عندك عشر عورات، لو اتجوزتى الزوج بيستر عورة، ولو متى يستر القبر باقى العورات.
جبر يلمك ……………….. يا أختاه.


يمكنك دعم الموقع من هنا
مؤسسة ندى لحماية الفتيات

مقالات ذات صلة

اترك رد

زر الذهاب إلى الأعلى