كتّاب

بمُنـاسبة رفضي من الكلية الإكليريكية، لأجل سلامة الكنيسة…


بمُنـاسبة رفضي من الكلية الإكليريكية، لأجل سلامة الكنيسة وتجنب العثرات كتمت على العديد من الأسرار، ومنها سأكشفه الآن ليعرف الجميع بعض الحقائق المُخزية وما نحن نحتمله بداخلنا، مُنذ سنة أو أكثر إتصل بي صديق مسؤول في إكليركية (العباسية) بالقاهرة، وتناقشنا في بعض الأمور، وقال لي: ما سيصدمك أكثر هو إني بالصدفة تقابلت مع الصحفية سارة علام داخل الكاتدرائية وسألتها عن سبب تواجدها، فـقالت له بالحرف: “عندي كورس لاهوت” ومن صدمته تغلب عليه صمته، صديقي هذا من الأمناء والمُعلمين اللاهوتيين المشهود لهم من الكنيسة وأثق في كلامه جدًا.

لمن لا يعرف سارة علام، هي سيدة غير مسيحية، تعمل بالصحافة بجريدة اليوم السابع، مسؤولة عن الملف القبطي هناك، دائمة التهجم والتهكم على الكنيسة الأرثوذكسية وآبائها، خاصةً عهد قداسة البابا شنودة، وأصدرت كتابًا مُسيء به تطاول غير مبرر على شخص أبينا المُتنيح قداسة البابا شنودة وبعض الآباء الأساقفة الأمناء، والغريب والعجيب أيها الأحباء من تصور معها وفي يدها هذا الكتاب هو (قداسة البابا الحالي) ووجودها وإختراقها للكنيسة وتدخلها في كل شؤونها وتهكمها على بعض الآباء مثل الأنبا أغاثون وغيره، كل هذا بُمباركة رأس الكنيسة (قداسة البابا تواضروس)، وكل الأدلة موجودة على جميع مواقع التواصل الإجتماعي.

تُفتح الكنيسة لغير المؤمنين وللمُبتدعين ولأصحاب التعاليم الغريبة، وتُقفل في وجه أبنائها المُخلصين العاشقين لترابها، هذا هو فكر ومنهج بطريرك الكنيسة وبكل أسف مع كل هذه المصائب والأخطاء الكارثية نجد من يُدافع عنه ويُبرر له ما يفعله بجهل، ليس هدفي أن أُخطّأ البابا أمام أحد، ولكن هدفي أن يتراجع عن كل أخطاؤه في حق الكنيسة والإيمان وفي حق شعبه الذي لم يشعر بأبوته إلي الآن، ويتعامل معنا كأب وليس كصاحب سلطان يأمر وينهى، البابا خادم في الكنيسة وليس رئيسها ؛ فالكنيسة ليست ملكًا لأحد، ومن عمله يعمل كسيده يتواضع ويغسل أقدام شعبه لا يتعالى عليهم ويطرد من يختلفون عنه وعن سياساته وأفكاره، نُصلي من أجل أن يُفيق الله قداسته لكي يرعانا بالحق والإستقامة.

#أبانوب_فوزي

يمكنك دعم الموقع من هنا
مؤسسة ندى لحماية الفتيات

Abanoub Fawzy ابانوب فوزي

شاعر ـ كاتب قبطي

مقالات ذات صلة

‫34 تعليقات

  1. معلش يا ابانوب انا عايز اعرف انت مصمم ليه علي الاكليريكيه انا عمال اشوف البوستات بتاعتك والتعليقات وماسك نفسي اني ارد . اللي زيك مينفعش يشوف الغلط ويسكت ودي نعمه ربنا ليك يبقا انت لا تصلح انت تدخل ولا حتي تدرس لاهوت ويجي يوم في الايام تتكلم باسم الكنيسه وده سبب رفضك .. اللي عايز يدرس لاهوت ويدخل معهد شرطه الكنيسه (الاكليرلكيه) لازم يعرف يسكت امتي حتي ولو شاف الغلط خد اكبر مثل حريق الكنايس اللي شغال ده لما تبقا كاهن ولا تتحدث باسم كنيسه لازم تقول ده ماس كهربائي واللي بشوفه منك انك متعرفش تقول كده فا نصحتي ليك انك تشيل الموضوع من راسك .لان مش كل المسحيين بيعرفو يقولو فمن لطمك علي خدك الايمن فحول له الايسر ايضا ( انت مفكر انا سبت مصر ليه 🤭) انت معاك سلاح اللسان والعلم وفيه الافات متبعين لك ولكلامك فا سيبك من انك تخدع للنظام وخليك حر في لسانك وفي مقالاتك بدل ما تلاقي حد يقولك انت بتكتب ايه وبتقول ليه

  2. فعلا زي ما الناس كاتبه كده دور على خلاص نفسك قبل ما تدور على خلاص احد ثاني ولا انت عاوز تجمع لايكات وتجمع تعليقات وتاخذ فلوس من النت اللي هي شغله العاطلين

  3. الكتاب المقدس بيقولنا الحق
    إن الحياة على الأرض هتكون مليانة بالألام والتجارب
    لكن ربنا وعدنا إن الألام مش نهاية القصة
    لكنه وعد إنه هايكون معانا
    وإنه غلب الضيقات
    وقال كمان إن كلها خيوط في إيده
    بيصنع منها مجد وخير لأولاده
    لو سلمناله دفة حياتنا

    وَنَحْنُ نَعْلَمُ أَنَّ كُلَّ الأَشْيَاءِ تَعْمَلُ مَعًا لِلْخَيْرِ لِلَّذِينَ يُحِبُّونَ اللهَ، الَّذِينَ هُمْ مَدْعُوُّونَ حَسَبَ قَصْدِهِ.

    متقلقش صاحب الوزنه هيتحاسب ع وزنته بس انما صاحب الخمسه هيتحاسب علي كم وزنه اثمر وتجار بيهم ❤

  4. بص طبعا انا هاسألك سؤال يعني ايه كورس لاهوت تاخده واحده مش مسيحيه اظن طبعا انت بتنفخ في الرماد ضد الكنيسه بغير وعي وعايز من اثبات رسمي علي كلامك عشان الناس بترد عليك ومش واخده بالها انك بتهرتل بكلام مش حقيقي وع فكره انا مش تبع اي حد منكم ولا من الكنيسه بس قلبي اللي رد عليك

  5. خلاصك اهم من اي شئ ونصيحتي لك اخي العزيز السوشيال ميديا والفيس ليس مجال لمناقشه هذه الأمور الكنسيه ولكن يعقدها ويعثر اناس أبرياء في فكرهم بلاش الفيس

  6. مش عارفه اقول ايه لكن هقول لك خلي بالك يا ابني انت كده الشيطان بدء يصطاد بيك وبدء يستخدمك في الحرب بتاعته انت حاسس انك مظلوم صلي وكله أكيد للخير ولمصلحتك لكن تدخل في موضوع فضايح علي حد تعبيرك يبقى للاسف الآباء كان معاهم حق يحرموك من البركه اللي انت كنت عايزها لانك لسه ما وصلتش للمستوى الروحي اللي يوصلك ليها….خلي بالك يا ابني من نفسك وبلاش تخلي عدو الخير يستخدمك

  7. اتعود لو في حاجه ف الخدمه شوفتها غلط حاول تصلحه
    طيب ولو مقدرتش صلي ربنا يدخل ويصلحه
    وبطل تعثر الناس اكتر من كدا خطيه كبيره دي خلي بالك
    وقبل ما تنزل بوست واحد عن الكنيسه راجع اب أعترافك واللي يقولك عليه اعمله ي اخي
    وخلي بالك من دور البابا اثناسيوس اللي انت عايشه غلط ده
    علشان ف بوست قبل كدا كنت كاتب فيه انه جالك تهديد بالقتل وانت مش خايف من اي حاجه وانك مستعد انك تموت ع اسم المسيح والشغل ده
    احظر كل الحظر من كاتبة حرف واحد علي الكنيسه او علي اي شخص داخل الكنيسه
    متخليش حماس سنك و الشيطان يغمي عيناك يوديك ف سكه صعبه
    لو عايز تعرف انت ماشي صح ولا لا راجع اب اعترافك ضروري

  8. بجد انت مش طبيعى سامحنى
    انت عامل موضوع وفيلم على حاجه انت مش حاضرها ومش فاهمها
    أولآ انت بتقول أن صحبك قابلها بالصدفه فى الكاتدرائيه وده يثبت أنها مش شخص موجود معاهم فى الكليه دى مقابله بالصدفه
    تانى شئ جائز تكون بتقول أى كلام وخلاص⁦♦️⁩
    هى وجايز تكون بتهزر معاه ⁦♦️⁩
    وجايز تكون حاضره لهدف معين ⁦♦️⁩
    وجايز حجات كتير احنا مانعلمهاس

    ازاى انت تعمل منشور وتغلط البابا والمسؤولين وبتطلب يتراجع على مايفعله بأى حق لك
    وأنت لا تعلم شئ من حجات كتير جدآ
    انت عندك فراغ غير طبيعى والشيطان ضحك عليك بجد

  9. واضح جدا غرضك من هذا البوست هو الانتقام ممن رفضوك عن طريق التشهير.
    سؤال ومن فضلك تجاوب عليه ..
    طالما انت حريص على كنيستك ومحبتك لها .. انا أسألك…..
    ما الفائده والهدف السامى الذى سيعود على كنيستك القبطيه التى تحبها من جراء هذا المنشور؟
    منتظر اجابتك ….
    ارجو الا تغضب من كلماتى فأنا احترمك واحترم قناعاتك الشخصيه

  10. ربنا يباركك
    هذا وقت لفضح عمل الشيطان
    اما السكوت هو خطيه
    واللي يقول اهرب لاخلاص نفسك هو دعوه للشيبان
    لابد أن يكون هناك صوت صارخ في البريه
    لابد من وجود اثناسيوس وديسقرويوس
    لابد أن يكون هناك توما لكن نسمع قول طوبي لمن أمن ولم يري
    البابا ١١٨ شخص غريب الأطوار يمثل الي تعاليم متي المسكون ويهاجم البابا شنوده سرا بإطلاق تلاميذ متي المسكون الأقوال والفاظ بذيله وفي العلن يقول انا اللي رشمني البابا شنوده وانه له كاريزما وانه خريج آداب ولذلك هو متحدث لبق وله حس الخطابه……الخ
    وذلك لانه لم يذق عمل الروح القدس
    ولا ننسي أوله اعمله
    عمل الميرون معمليا ولا يطبخ بطريقه ١١٧ بابا قبله عاوز يكون له بصمه واضحه تكتب بحروف من ذهب فذهب الي الأنا وركبه الكبرياء ويحاول تحطيم ما قبله من تاريخ قوي ولكنه واهم
    حفظ الرب الكنيسه
    حفظ الرب الايمان
    حفظ الرب أبناءه الذين ركبهم لم تسجد للبعل
    بارك الرب جهادك ضد عمل الشيطان والمؤلفه قلبهم من خدام أو كهنه أو أسقف أو بطريرك
    ولا ننسي أن نسطور كان بطريرك
    اسف للاطاله
    بارك الرب ايمانك

  11. الحقيقة الصديقة سارة لم تهاجم البابا شنودة
    هى عملت كتاب جمعت فيه ادلة النيابة على ان اشعياء قاتل وزانى وسارق وانتقدت اختيارات الرهبان اللى كان بيقوم بيها البابا شنودة . وانتقدت الانبا اغاثون زى منا وكتير من الاصلاحيين مسلمين او مسيحيين انتقدوه فى بعض ارائه الخاصة بالمرأة
    فكلامك غير صحيح بالمرة
    والبابا يستقبل كل مندوبي الصحف عن الملف الكنسى
    اضافة لان سارة بتقف مع اى قضية مسيحية عادلة
    حتى لو انت اختلفت معاها لاى سبب يخصك

  12. دور على خلاص نفسك ولا اكليركيه ولا انك تقعد تصتاد اخطاء وماتصدق تتكلم على البابا تواضروس ولا الكهنه ولا الاساقفه ولا اى حد معارض على اسلوبك هايدخلك السماء انت لسة صغير قوى دور على خلاااااااصك ربنا يهديك

  13. هو بيقولك حاول المرة اللي جاية يعني مرفضكش رفض نهائي ثم قداسة البابا مالهوش اي ذنب مش كل مشكلة تحصل نجيبها ف شخص قداسة البابا لا رفضك من الأكليريكية ليه علاقة باالبابا ولا حرق الكنائس كان ليه علاقة باالبابا يعني حصل حريق هو اللي هيقول للحريق ميحصلش
    ربنا يحافظ عليك ويحافظ علي الكنيسة وعلي قداسة البابا
    مهما اختلفت مع قداسة البابا ومهما اختلف معه الحاقدون سيدنا البابا ربنا اللي اختاره قائد وراعي صاااالح وامييين لينا يقود الكنيسة وقاد الكنيسة ومر بها الي بر الأمان في احلك الأوقات مع كامل كل محبتي ليك

  14. بص يا ابانوب انا بكلمك زي ابني
    انا مش هعمل زي باقي الناس اللي للاسف انقسمت ياما ضد الكنيسه ياما مؤيدي البابا تاوضروس
    هكلمك كام وخايفه علي ابنها ولا انكر ان في امور بقيت صعبه ومحتاجه تتصلح جوه الكنيسه
    بس يا ابني انت حقيقي بتعرض نفسك للخطر قصاد الشيطان والشيطان دلوقتي حربه مكشوفه ومعلنه
    خد بالك واهرب لحياتك من كل حاجه حتي من الكلام علي العثرات اللي جوه الكنيسه واللي براها
    محدش ينكر ان مفيش كنيسه مفيهاش حرب بشكل او باخر خدام بيحاربوا بعض شعب بيهاجم الكنيسه الحرب موجوده بكل الاشكال
    طب وبعدين هنعيش ازاي نستخبي ونصلي ونطلب منه العون وحمايته لكنيسه والله وحده هو القادر علي تغير وحل كل مشاكل ولاده وكنيسته

  15. عندي كلمتين صغيرين أرجو تقبلهم بمحبة من أخ أكبر ليك فارق معاه خيرك ومصلحتك

    هل ما كتبته كان للبنيان أم للهدم؟
    هل أتى بالثمار المطلوبة أم زرع انشقاقات ونزاعات أكبر؟
    كم نفس خلصت بسبب هذا البوست والذي قبله؟
    هل ما كتبته أحبه الله لأنك راضيته ودافعت عنه بسيف اللسان والقلم الماهر؟
    (واسئلتي استنكارية)

    مبروك عليك لأنك صنعت وحققت اهداف لم يستطع عدو الخير أن يحققها

    يا أخي الحبيب مهما كانت دوافعك بريئة ونقية لكن نتائج ما صنعت لن تستطيع أن تمحوها حتي لو حذفت البوست.

    انا متابع جيد لمقالاتك وكتاباتك الجيدة بل والممتازة لكنك يا اخي الحبيب لم تضبط وتصون الموهبة التي أعطاك الله اياها، ف الموهبة التي كانت سبب في تمجيد الله أصبحت الآن سهام حادة وسيوف لتقطيع رقاب البشر .

    ف القلم أمانة
    أمانة في الرأي المعارض وأمانة أيضآ في نقل الصورة كاملة ومحايدة بدون اجتزاء الحقيقة علي حسب ما تخدم قناعاتنا ف ليس كل ما تراه اعيننا هو الصواب

    إعلم أنني أحبك جدآ جدآ لكن ما كتبته فقط حتى تراجع نفسك قبل أن تسقط قدماك في شباك عدو الخير ليصطاد بك ومن خلالك أولاد الله

    أخطيت سامحني

  16. موقفك محترم يا أبانوب .. ولكنك تحرث فى البحر الآن .. صاحب القداسة يعرف ماذا يصنع جيدا .. مجرد جلوسه مع هذه الصحفية وحواراته المتكررة معها هو أكبر رسالة دعم وتأييد لها، يحدث هذا فى الوقت الذى يجافى فيه – وبشدة – أولاد الكنيسة المخلصين .. إنها فعلا مشكلة كبيرة .. وأثق أن الزمن كفيل بأن يكشف له الكثير مما لا يريد أن يراه الآن.
    حينما نفقد كل أسباب الأرض لا يكون أمامنا سوى اللجوء إلى السماء.

  17. قداسة البابا مع الصحفية إياها المُهاجمة للكنيسة التي شوهت سمعة الكنيسة ورهبانها وآبائها ومع كل ذلك نجد قداسته فاتحًا لها أحضانه ومستقبلها بنفسه، هذا بالإضافة إلي سماحه لها بأخذ كورسات لاهوت داخل كنيستنا المقدسة المؤتمن عليها لتعرف تهاجم أكثر، فقداسة البابا دائمًا لا يلتف حوله إلا أعداء الكنيسة بصفة عامة وأعداء قداسة البابا شنودة بصفة خاصة، أمثال سارة علام وكمال زاخر وغيرهم.

اترك رد

زر الذهاب إلى الأعلى