انا امراءة انا انسان | #رسالة_للعاهر_الذي_تجسس_على_الفتاة_المغربية عزيزي العاهر

#رسالةللعاهرالذيتجسسعلىالفتاةالمغربية

عزيزي العاهر ؛ لي ماعنده مايدار فحياته و مالقا مايدير سوى أنه يتجسس على فتاة باغة تشد طاكسي و يتحايل عليها و يمثل ديك التمثيلية كلها … بهدف شنو ؟؟ الله أعلم هو شنو الهدف دياله واش يفضحها ؟ ولا يهدد المغربيات باش مايمشيوش مع السواعدة .. ولا يقول الدراري ( العاهرين بحاله ) أجيو تشوفوني راني فضحت ختكم ( واخا مكاينة لا فضيحة لا والو ؛ السيدة عادي بغات تنعت ليه فين جا لوطيل … ) .

لحد الٱن مبغاش يتفهم لي شنو الهدف من نشر هاد الفيديو ؟؟ و شنو استافدتي نتا شخصيا منه من غير الشهرة الفارغة ( الشهرة على ظهر التفاهات و الفضائح و الخوا الخاوي ) . الشعب مكلخ و نتا زدتيه كلاخ على كلام بعاد الفيديو التافه لي ماعنده تا معنى و مافيه تا إفادة . البنت من حقها تهضر مع لي بغات ؛ تجاوب لي بغات ؛ تركب مع لي بغات .. نتا ٱش دخلك فخصوصياتها ؟؟؟ ٱش دخلك فيها ؟؟ واش شغلك ؟؟ شغلك ؟؟

افتراضا هي محاملاش المغاربة نهائيا وباغة تهضر غي مع البراني … شغلها هداك و حريتها هاديك ؟؟ واش كتٱدينا حنا بشي حاجة ؟؟ واش كتضرك نتا شخصيا بشي حاجة .؟؟
علاش مكتخاسبوش المغربي لي كيدير علاقات مع اجنبيات ( أوربيات ) ؛ و كيمارس معاهم الجنس و كيخرح معاهم و يتصور كيبوسهم فالتصاور ؟؟ علاش ؟؟ حيت هو حر و شغله هذاك يختار معامن بغا يهدر و معامن بغا يتصاحب شغله هداك ..حريته هديك .. !! فكذلك البنت المغربية يا عزيزي العاهر ما من حقكش تحاسبها و ماشغلكش فيها !! شنو تسحاب راسك نتا هو " الرب " ؟؟ بغيتي العيالات يسجده ليك ؟؟ يعبدوك ؟؟مثلا ؟؟ شكون نتا باش تحاسب الناس ؟ و تصورهم بدون إذنهم ؟ و تتحايل عليهم ؟؟

و على هاد القبل خاصك عقوبة سجنية حيت هذا تحايل و هادشي لي درتي راه جريمة يا عزيزي .. خاصك تعاقب يا عزيزي العاهر !! تلقاك نتا براسك لي مصور هاد الفيديو شابع علاقات جنسية و جاي كتستشرف على هاد البنت لي ركبات فالطونوبيل !! و تلقى هذاك لي كيعايرها فالتعليقات هو نفسه شابع علاقات جنسية مع الكاوريات ؛ تلقاه هو بنفسه نهار و ماطال يعاير فالمغربيات " موسطاشات ! عاهرات ! خيبوعات ! " وهو أكبر عاهر على هاد الدنيا !!

و أي غبي جاي كيقول بلي راها طماعة ؛ شوف الفيديو 3 المرات و شوف شحال هو بقا تيحكر عليها باش تركب و مع ذلك ماقالت عيب .. و نص ديال هادوك المستشرفين لي كيعيبه فيها و كيقوله " مادية " كيحلمه يتزوجه بشي كاورية شارفة تصيب ليهم الوراق !!

و هاد المرة ياعزيزي حاول تقدم شي محتوى مفيد و لا غببببر بمرة يا وجه لخراا !! و بارك من الفيديوهات لي ماعندها تا معنى !! و كنتمنى أنك تشد و تعاقب على هاد الجريمة ..و عندك يصحاب ليك راسك بلي فضحتيها ؛ راك فضحتي غي راسك أ الزين !! ????
#المرأة_إنسان