كتّاب

المسلم يصرخ: إلا رسول الله… ويرفع سيفه، والمسيحى يصرخ: إلا…

المسلم يصرخ: إلا رسول الله… ويرفع سيفه، والمسيحى يصرخ: إلا…


المسلم يصرخ: إلا رسول الله… ويرفع سيفه، والمسيحى يصرخ: إلا جبل المقطم… ويتقمص منك.!!!
……………………………………………………………….
بص ياصديقى، أنا اكتر واحد ف مصر حصلت له معجزات فى الأديرة والكنائس، وعارف ان فيه ناس بتصلى والرب بيقبل شفاعتها، لكن……………..
موضوع جبل المقطم دة الحد الفاصل بين المسيحى والمثقف، ولو احمد بطرس زويل ومعاه نوبل ف الجبال، برضه مؤمن بنقل الجبل، مستحيل تلاقى مسيحى بيشك ف المعجزة دى، بس ورحمة النبى ماحصلت، وكذبة كبيرة جدا تضخمت لسببين، التفاهة والعجز والدونية واللاجدوى، يعنى أبونا فلتاؤس ينقل جببل المقطم ولا يصلح شطاف التواليت بتاع الكاتدرائية اللى البابا نفسه مايقدرش يصلحة إلا بإذن من رئيس الجمهورية؟
جبل إيه اللى اتنقل؟ عارف بيفكرنى بمعجزة مرقس الرسول، قبضوا عليه وفضلو يضربوه ويسحلوه فى الشوارع، والعجل وقع- لأن أول كنيسة كانت فى حيى بوكاليا يعنى حى البقر- وبعد السحل رموه ف السجن، وتانى يوم برضه ربطوه والعجل أهه ومن دة بكرة بقرشين، والراجل ياعينى فضل الحبل يضيق على رقبته لحد مامات، حلو؟
فين بقى المعجزة؟ ظهرت لما مات والرب تمجد وعمل معجزة ونزل المطر، والوثنيين هربوا وسابوا جسم القديس عشان يهربوه ويدفنوه، الله، طب كنت فين يارب بقالك يومين؟ تعرف إنه كان فى مباحثات سرية مع الأستاذ مرقس وماتعرفش السرية دى وصلت ازاى للمؤرخين وقال له انت معايا الليلة ف الفردوس…………………
مقطم ايه اللى اتنقل؟ روح ياض خلى البابا يجرؤ يصلح شطاف التواليت البايظ.!!!


يمكنك دعم الموقع من هنا
مؤسسة ندى لحماية الفتيات

اترك رد

زر الذهاب إلى الأعلى