“هل ضـــ.رب المرأة تأديب ليها فعلاً؟ ” “طب ضــ.ـرب مُبرِح ولا غير مُبرح يا ترى؟ …

“هل ضـــ.رب المرأة تأديب ليها فعلاً؟ ”
“طب ضــ.ـرب مُبرِح ولا غير مُبرح يا ترى؟ ”

وغيرها كتير من الأسئلة اللي بيتفتح بسببها كل شوية نقاشات وخناقات ملهاش نهاية – طبعًا مع التغاضي عن فكرة إن المفروض والبديهي أصلاً نرفض العنــ.ف والضـــ.ـرب بكل أشكاله مش بس للمرأة! –

في أحد مشاهد المسلسل الرمضاني #عُملة_نادرة، بتدخل إسراء «مريم الخشت» بيتها فتتفاجيء بجوزها بيضــربها ضـ.رب بشع، لكن رغم ذلك اتعاملت عادي بعدها..وجمهور المشاهدين كمان تقبّلوا اللي حصل بدون أي استغراب أو استنكار من الفعل اللي بيتكرر من سنين، سواء في الدراما أو في حياتنا الواقعية.

والحقيقة السؤال اللي المفروض فعلاً يتسأل هنا، هو إشمعنى النسويات والحقوقيات بس هما اللي بيتكلموا في الموضوع دة دايمًا؟
ليه مش بنشوف سِت مصرية عادية من الطبقة المتوسطة مثلاً بتهـ.اجم ده أو ترفضه؟
ببساطة «تنميط العنــ.ف ضد المرأة» أعزائي القُرّاء هو الإجابة.

خلّونا نبدأ من الأول خالص..
البنت بتبقى لسة طفلة وبتلاقي مامتها بتتضرب عادي جدًا، وعلى أتفه الأسباب..
البنت بتكبر وبتشوف ستات حواليها بيتضربوا يوميًا ومش بيعترضوا..
بتفتح التلفزيون تلاقي الناس بتتناقش حول “أنسب طريقة لضـــ.رب المرأة” وعن إن “دة تكريم ليها”
تدريجيًا بيتزرع في دماغها إن دة طبيعي وأن مفيش أزمة كبيرة لو حصل!

**دة طبعًا غير أفكار تانية كتير، مجتمعنا متصالح معاها جدًا، ومش مستغرب حدوثها، طالما الراجل هو اللي بيعملها، نذكر منها على سبيل المثال وليس الحصر:

“ضــ.ربك؟ عادي دة راجلك وتلاقيه كان متعصب، أكيد مش قصده حاجة!”
“ضـــ.ربك؟ وفيها إيه؟ ما كلّنا اتضربنا قبل كدة!”
“ضــ.ربك؟ استحمليه.. هتطلّقي وتروحي فين بعيالك دول؟”
“ضــ.ربك؟ متكبّريش الموضوع! الست ملهاش غير بيت جوزها مهما حصل!.”

الكلام عن العنــ.ف ضد المرأة، والوقوف ضده ومنعه، يتطلّب أولاً قدر كبير من الوعيْ – اللي للأسف اتحرمت منه أغلبية النساء في مجتمعنا بسبب الواقع الصعب – ولشجاعة الاعتراف بإن اللي اتزرع فينا – ستات ورجالة – زمان كان غلط ومحتاج يتغيّر.

فـ قبل ما تسأل “إزاي هيَ مش بتعترض؟.. اسأل ليه إنت مش بتعترض!.

كتابة:همس محمد
#قسم_السينما_و_الدراما
#رمضان_2023
#سوبروومن
#مرصد_دراما_رمضان

يمكنك دعم الموقع من هنا
مؤسسة ندى لحماية الفتيات