“الست لما بتضرِب مفيش حد بيمسك المعتدى لأنه اسمه جوزها ودا قانونًا مش موجود”ال…


“الست لما بتضرِب مفيش حد بيمسك المعتدى لأنه اسمه جوزها ودا قانونًا مش موجود”

التساهل في تنفيذ القوانين وإعلاء راية الأعراف المجتمعية على حساب القانون بيزود الشعور بالظلم والخوف عند الضحية واللى هي مش بس المرأة هنا لا دا العنف بيطول الأطفال سواء مباشرة أو لا، وفي حكاية نجاة اللى هنعرضها انهارده، ست عانت عدم تنفيذ القوانين و اتعرضت للعنف من جوزها اللى محدش مسكه لما بلغت عنه وأهملوا طلبها لأنه جوزها!

وكمان طول ما كانت على ذمته فهي ملهاش تمكين فردي للشقة حتى لو باسمها وهو بيموتها ضرب جوا، والمضحك المبكى إنه اتحكم لها حكمين حبس وغرامة، وساعتها كان لازم تطالب بتنفيذ للحكم عشان يتنفذ!
ولأن مكان سكنه مكانش معروف تعذر تنفيذ الحكمين حتى مع معرفة مكان عمله، لكن منعًا للإحراج محدش بياخده من شغله!

و ده على الرغم من أن القوانين، وخصوصًا مع التعديلات الجديدة للقوانين اللي بنأمل الموافقة عليها، واضحة جدًا انها ضد أي عنف تمييزي على أساس الجنـــ-س ضد المرأة والعنف ضد النساء داخل الأسرة، سواء كان مادي أو معنوي أو جنـــ-سي أو اقتصادي؛ فالقوانين بتجرم الأفعال دى وبتعاقب عليها ” مادة (39) في الباب السادس من مشروع القانون الموحد لمكافحة العنف ضد المرأة مؤسسة المرأة الجديدة – New Woman Foundation ” بالحبس مدة متقلش عن ستة أشهر و/أو بغرامة ما بين 10 آلاف جنیه و20 ألف جنیه.

لكن في الواقع أكبر مشكلة هي التساهل، ولازم نتصدى لدا، وخصوصًا أنه وفقًا لإحصائية المجلس القومي للمرأة: 8 ملايين ست مصرية بتتعرض إلى العنف و86% من الزوجات إلى الضرب.

وللعلم، في مقترح قانون الأحوال الشخصية الجديد لأسرة أكثر عدالة الصادر عن مركزمؤسسة قضايا المرأة المصرية – Centre for Egyptian Women Legal Assistance صاحب الوضع الاستشاري بالمجلس الاقتصادية والاجتماعي بالأمم المتحدة، في مادة متخصصة في المقترح لتعويض الزوجة في حالة الطلاق سواء كان ليها أطفال أو ملهاش، ودا بحساب سنوات الزوجية وحساب تعويض على حسب السنوات دى، وممكن تاخد التعويضات دى تحت مسمى تعويض أو نفقة متعة، واللى كانت بتحاسب سابقًا بسنتين نفقة بس.

شاركينا هل أخدتي حكم ومتنفذش قبل كدا؟ وعملتي ايه؟

#نجاة
#لسة_في_حياتك_نجاة
#حكايات_نجاة
#الاغتصاب_الزوجي
#سوبر_وومن
#١٦يوم
#16DaysofActivism2022
#حملة_ال16يوم_لمناهضة_العنف_ضد_المرأة
#سوبروومن
#16days
#قانون_منصف_للستات
#حكايات_نجاة
كتابة مي مالك


يمكنك دعم الموقع من هنا
مؤسسة ندى لحماية الفتيات

السلاليون اول وصـوليين في الاســــلام…

السلاليون اول وصـوليين في الاســــلام مـصـطـفـۍ مـحـمـود أثبت رسول الله خلال الدّعوة وبعد الانتصار، أنه من ذوي العزم الأشداء الذين يعتمدون على أنفسهم في بناء

الفن التشكيلى و الطبيعة…

الفن التشكيلى و الطبيعة الفن التشكيلى هو فى جوهره نوع من التعبير عن الطبيعة. لكنه بالضرورة يحيد عنها إلى حد ما، (وهذا هو ما يميز

عااااااااجل وهام

عااااااااجل وهام تم تأجيل قضية انتصار الحمادي وزميلاتها محلية البعداني للمرة الألف!! لم أصرح مذ صباح اليوم؛ بالمماطله، والتسويف؛ لنيتنا بعدم التصعيد، أو التثوير.. وأردنا