في سلسلة مبتنتهيش واللي بتظهر نوع من أنواع قمع الستات والتضييق عليهم، بيتردد كتير إن الراجل هو اللي بيصرف وهو المسئول والست بس هي اللي تقعد في البيت.
لكن اللي بيحصل في الحقيقة هو إن الستات في مجتمعاتنا بتضطر تشيل الشيلة كلها ومحدش بيحس بيها….
في فيلم الجراج من بطولة نجلاء فتحي وإخراج علاء كريم من إنتاج 1995.
بتتجوز نعيمة (نجلاء فتحى) زينهم (سيد زيان) غصب عنها بسبب والدها اللي مات وسابلها حراسة العمارة الكبيرة ورعاية الجراج – اللي بيعتبره المجتمع مش شغل للستات ولكنها كانت بتقوم بيه على أكمل وجه – ، الحقيقة أنه كمان سابلها جوز عاطل، مش متحمل أى مسئولية، بياخد فلوسها ويشرب بيها، وبيسافر ويهرب ويسيبها تربي ولادهم السبعة وتواجه كل المسئوليات والمشاكل لوحدها، لحد ما بتكتشف إصابتها بسرطان الرئة الميئوس من علاجه، ورغم قسوة الوضع عليها إلا إنها فضلت شايلة المسئولية ومهربتش منها لحد اخر وقت.
فرق كبير بين هروب وجبن جوزها، وتحمل المسئولية اللي اتفرضت عليها لكنها شالتها وواجهت المجتمع اللي عمره ما رحمها.
ستات كتير ليهم نفس القصة ومحدش يعرف عنهم حاجة لكن سوبروومن بتمدلهم ايديها عشان يلاقوا شغل ويعرفوا يسلكوا بعيدًا عن نظرة الناس ليهم… وبتقولهم إن دايما فى أمل ولسه في حياتهم ” نجاة”.
حيث تولد الـ “نجاة” من رحم المعاناة!
كتابة :آية غلاب
#نجاة
#Nagat
#Superwomen
#سوبروومن
#تمكين_اقتصادي_للمرأة
#لسه_في_حياتك_نجاة
#قسم_الدراما_والسينما
#العنف_ضد_المرأة
#الدراما_والنساء
يمكنك دعم الموقع من هنا
مؤسسة ندى لحماية الفتيات
