كتّاب

أحمد عرفات | – دعم وحب :…


– بنت مصرية عندها قناة معروفة على "اليوتيوب". وناجحة في حياتها. إسمها (أمنية علاء). كانت طول عمرها (محجبة) قررت تخلعه من كام يوم. لتنهال عليها عديد من (الانتقادات) وأن (جوزها ديوث). وإن (لازم الكل يلغي المتابعة). وإن هي عملت (كبيرة من الكبائر). وأقسم بالله كانت شوية تعليقات لا تمت (للإنسانية والعقل بصلة).

  • هو الطريق لربنا "قطعة قماش". يعني مش الأخلاق والتقبل والتحضر؟ يعني مش الحب والـ///ــلام والإنسانية؟ يعني مش مساعدتنا للبشر؟ حب الناس لبعضها البعض؟ مفيش أي وعي عندنا ولا نضج بأن كل إنسان حُر. بأن كل إنسان طالما مش بياذي حد حُر .

  • أمنية طلعت في فيديو على قناتها وقالت :ليه بتحترموني عشان قطعة قماش !! طب ما في بنات محجبات ومنقبات بيروحوا للمرقص. هل دلوقتي يحق لي الحكم عليهم أن كل المحجبات كده ؟ أنا مش عايزة منكم احترام لو هيكون قائم على شكلي وحجابي. أنا هسيب ليكم "الفيديو تحت". عشان تسمعوه .

  • أنا لو في سيدة قررت تلبس الحجاب "عن قناعة". وتعرضوا لها (بالتنمر والسخرية). هكون أول واحد جمبها بيدافع عنها. لأن كل سيدة حُرة (تلبس. تقلع). أحنا مينفعش نعامل الناس بناء على شكلهم ومظهرهم. أخلاقك وتقبلك. دول معيار نجاح أي مجتمع. وأي شخص صالح هيكون في قلبه الحاجتين دول .

  • لما ادافع عن حقوق المرأة وابسط حق من حقوقها. يطلع لي شاب نطع. ويقولي (عايز البنات تكلمك). ولكن يشهد الله إني متجاوزتش حددوي ابداً مع أي بنت. وكل الناس هنا بتحبني وبحبها .. وعشان كده. دايماً كل قصة بكتبها. بتغير حد. وأنا فخور بده. فخور بنفسي .

– كل الدعم. مني ومن كل حُر يا أمنية. ومفيش حد إلا "قلة" ضدك. وهيجي الوقت اللي كل سيدة هتعيش بحُرية وبدون خوف .. وبدون الحجاب أو بيه. انتي بتاخدي العقل . ????❤️




أحمد عرفات | كاتب علماني

اترك رد

زر الذهاب إلى الأعلى