– طلعت إنسانة إسمها (مي الخرسيتي) .. مصرية وعايشة في "أميركا" … معروف إنها النسخة النسائية من الداعية المودرن "عبدالله رشدي" طلعت وقالت على حسابها الشخصي اللي فيه حوالي (850 ألف متابع). منهم مراهقين كثير (إن البنت اللي بيتم إغتصابها بتكون مبسوطة بده وبيحصل بمزاجها وإن البنات هي اللي بتثير الشباب) و(بتبرر للأغتصاب وبتلوم على ضحايا الإغتصاب) __ وبتقول (إنها جميلة واقوى سيدة في مصر عشان كده محدش بيعرف يتحرش فيها).
- الشخصية المهزوزة دي طلعت في فيديوهات قبل كده بتهين في "الباسبور الأمريكي" _ وتلعنه وأول ما الدنيا قامت عليها في "مصر". رجعت تاني "أمريكا". علشان تحتمي بالجنسية الامريكية اللي هي كانت بترفضها واتهمتها بالتآمر علي مصر. يعني ممكن لو ده يعدي لها تمام ___ بس إنها تطلع وتبرر الإغتصاب بكل وقاحة. ده مليون لأ !
-
مي الخرسيتي وعبدالله رشدي هيبقوا كپل جميل ، وكل حد فيهم هيقدر يشبع نواقص التاني تجاه الإناث بأريحية .. أكثر شخصية بعد عبدالله رشدي عندها كراهية للإناث هي مي .. والخبر الجميل إن في مصريين في "أمريكا". هيقدموا بلاغات ضد مي للشرطة الأمريكية بعد تصريحاتها الأخيرة .
– إقامة سعيدة في السجن يا مي . ❤️
أحمد عرفات | كاتب علماني
